Shillong, Naiwieng 28: Mynta ka sngi u myntri rangbah ka jylla u Conrad K Sangma u la khot ia ka jingialang jong baroh ki seng sain pyrthei halor ka jingjia ha shnong Mukroh ha kaba san ngut ki briew kila duh ei ia ka jingim ha ka jingsiat jong ki pulit ka jylla Assam.
Haba kren ha ki lat pathai khubor ha dien ka jingiakynduh bad is seng sain pyrthei u myntri rangbah u la ong ba ha kane ka jingiakynduh la batai ia kaei kaba la jia ha ka shnong Mukroh bad kaei kaba ka sorkar ka la leh halor katei ka jingjia.
Ha kane ka jingiakyduh kila ia kren ia ki kam kiba ia dei bad ki khappud khatam kito ki jaka kiba don ha ka jingiakam kaba mar kylliang bad kumno ban leh ban lait na ki jingiakynad ha ki sngi ban wan ha khappud.
Ha kane ka jingiakynduh baroh ki seng sain pyrthei kila pynpaw ia ka jingsngewkha ka jong ki bad kila pynrem ia katei ka jingjia bad kila ai jingmut ruh kumno ban leh ban iaida na ki jingia kynad ha ki sngi ban dang wan ha khappud.
Ban shim ia ka rai ha ei ban buh ia ki Police Outpost sha khappud bad ka jylla Assam ka jingialang jong ka Kabient ka shong la shai ka sngi ban shim ia ka rai ba bun ia ki ktem pulit ha ki jaka don ka jingshong syier bad ban pynlong ia ki ktem pulit kiba khlain ban ai ka jingiada ia ki nongshong shnong ha kahppud.
