Shillong, Naitung 11: Ka Hynniewtrep Youths’ Council kan bteng ia ka jingdawa jong ka seng ban pyntreikam noh ia ki 14 tylli ki matdawa jong ka seng Ki ain ban iada ia ki Hok Trai kum ka, Inner Line Permit System kaban Teh lakam ia ka jingrung laitlan ki poiwir ha ka Bri Hynniewtrep kaban kynthup ia ka jingdawa ban pynsangeh noh ia ka jingshna Lyngti Rel katbym pat pyntreikam ia ka ILP, Ka Residential Permit For Immigrants kaban pyrkhing ia ka jingioh shongwai bad Shnong Basa Thurmur ki Mynder Ha ka Bri Hynniewtrep.
Ka Trading and Business Permit for Non Indigenous People kaban Pyrkhing iaka jingioh Khaii laidlan ki Mynder Ha ka Bri Hynniewtrep. Ka Work Permit For Non Indigenous People kaban Teh lakam ia ka jingioh Bylla laitlan ki poiwir ha ka Bri Hynniewtrep .Ban Nang Pynkhlain Shuh Shuh ia ka Prohibition and Detection of Benami Transaction khang ba ynlah ban rat dyngkhong ia ka kam Benami.
Ban pyntrei kam iaka State Permanent Citizenship Registration Act kaban shim ia u snem 1971 kum u snem ot kyrteng. Ka Voting in the Place of Origin ka ain kaban khanglad noh ia ki Poiwir bad ki Mynder ba kin ioh Thep Vote ha ka Bri U Hynniewtrep bad kiwei da kaba kala pynkhreh ia ki lad ia khih kiba jai jai shwa ia mynta shipor.
Hadien ba ka seng ka la leit buh ia ka Memorandum ha u Chief Minister ha ka 23.02.2017 bad kumjuh ruh hadien bala dep sam ia ka juh ka memorandum sha ki political parties bad ki MLA jong ka Bri Hynniewtrep ban pan jingkyrshan naki , mynta na ka liang ka seng ka la pynkhreh sa ia kiwei pat ki Jingiakhih.
Ka seng ha ka 17.07.2017 ka Sngi Lyngkhuh sngi iap jong u Syiem Tirot Sing Syiem kan pynlong ia ka Rally cum Sit In Demonstration. Ha shwa ban pynlong ia ka Rally ha ka por 10.00 AM yn pynlong shwa ia ka Jingialang ha Dinam Hall Jaiaw hakaba kan don ruh ka jingduwai ban Nangpyneh Rngiew ia ka Jiadbynriew Hynniewtrep hadien katta pat saka Rally na Diman Hall haduh u mot Laidong ha syndah ka Soso Tham Auditorium Hall bad hangne yn pynlong ia ka Sit In Demonstration.
Ia kane ka Rally Cum Sit In Demonstration yn pynlong halor ka Nongrim baka Sorkar Meghalaya hapoh ka jingialam jong u Mukul Sangma bad ka jingkyrshan lang da ki MLA ka liang Kyrshan ka la leh bymsuidniew ia ka jingdawa jong ka seng haduh mynta. Haduh mynta ym pat khot ia kren bad haduh mynta ym pat pyntreikam ia ki mat dawa jong ka seng. Halor kane ka bynta ka seng kmie ka pyntip sha baroh ki dkhot naduh ki member ka CEC, ki District Unit, ki Circle bad ki unit ba kin wan ia shimbynta lang. Ngi khot ngi wer ruh ia baroh ki dkhot ka Bri u Hynniewtrep ban wan ia shim bynta lang bad ngi ka seng.
Ka seng haka 22-07-2017 kan sa pynlong ia ka jingialang ban iathir iatai jingmut bad u Mukul Sangma ha ryngkat ki Cabinet minister jong u. Ia kane ka jingiathir iatai yn pynlong ha Khasi National Durbar Hall, Mawkhar, Shillong.La kyrpad ia u ba un khot ia kren ia ka seng hynrei um shem la khot kumta ka seng kan khot noh na ka ia u ba un wan noh ma u ha ryngkat ki Minister jong u khang ba ngin ioh ka lad ban iatai halor ki mat dawa jong ka seng kaba kynthup ia ka ILP bad kiwei pat. Lada u Mukul bad ki Minister kim wan na ka liang ka seng kala pynkhreh lypa iaki Jingiakhih pyrshah ia ki.
Ka seng haka 29-07-2017 kan sa pynlong ia ka jingialang ban iathir iatai jingmut bad baroh ki MLA naka Bri u Hynniewtrep halor kimat dawa iakaba ka seng ka la dep pyntip iaki lynba ki shithi bad ha kane ka jing ialang ngin dawa na ki MLA ba kin iathir iatai iakine ki mat ha ka ing durbar Thawain . ia kane ka jingiathir iatai yn pynlong ha Khasi National Durbar Hall, Mawkhar, Shillong. Lada ki MLA Kim wan naka liang ka seng ka la Pynkhreh lypa ki jingkhih pyrshah ia ki bad ia kine ki jingiakhih yn pynlong ha ki Ing ki sem jong ki bad ha ki Constituency jong ki. Hadien kine ki lad jingiakhih, ka seng kan sa pynbna sa ia kiwei de ki lad iakhih lada ka sorkar bad ki MLA kim pat pynurlong ia ki jingdawa jong ngi.
Ka seng ka kyntu bad kyrpad sa shisien pat ia u Mukul Sangma bad ia baroh ki MLA ba kin shim khia ban shna iaki ain iada Ri kumba la dawa da ka seng. Ka HYC ka kyrpad ruh na baroh ki Sengbhalang ba kin kyrshan lem bad ia treilang bad Ki . Ka seng ka pan ka jingkyrshan na baroh ki Syiem, ki Daloi, ki Lyngdoh, Ki Sirdar, ki Rangbah Shnong, Ki Myntri bad kumta ter ter. La kyntu ia baroh ki political parties ba kin kyrshan iaki mat dawa jong ki bad kyntang iawai ngi pan ka Jingkyrkhu kyrdoh bad ka jingkyrshan na phi ki Paradoh Parasnam ka Bri u Hynniewtrep halor kine ki mat jingdawa, la ong u Bah Isaac W Basaiawmoit organizing secretary ka seng HYC jong ka seng kmie ha ka kyrwoh ba la phah mynta ka sngi.
