Shillong, Nailur 06: Ka Hynniewtrep Youth Council (HYC) jong ka South West Khasi Hill kan pynlong ia ka jingialang paidbah ha mawkyrwat ha ka 9.9.17 por 11 am. Ka jing thmu ban pynlong ia kane ka jingialang ka long ban pynshai ia ki mat dawa jong ka seng sha ki paidbah bad kumjuh ruh ban pan jingkyrshan na ki para Ri ba kin kyrshan ia ka jingiakhih save Hynniewtrep mission jong ka HYC.
Na ka liang jong ka seng ka khot ka wer ia ki paidbah ka South West khasi Hill District ba kin ia wan sngap bad kyrshan ia ki mat dawa jong ka seng na ka bynta ka Ri Khasi hi baroh kawei. La kyrpad ia ki nongialam shnong, ki sengbhalang, ki seng samla, ki seng long kmie, ki riew rangbah ka thain ba phin ia wan lang ha kane ka jingialang. Ong u Bah Arbok khar jahrin, president, HYC, South west khasi Hill District.
