Shillong, Jylliew 17: U Secretary jong ka sorkar Meghalaya ba dei peit ia ka tnad Chief Minister’s Secretariat u la pyntip ba la thung ia u Bah Allantry Franklin Dkhar bad ia ka Arlene Sangma kum ki nongaibuid bad Secretary ia u myntri rangbah ka jylla.
Ka jingsiew ia kine ki ar ngut kan long hapoh ka kyrtdan ‘C’ bad kane kan trei kam naduh ka sngi kaba ki shimti ia ka kam kumba la kdew hapoh jong ka tnad pla pisa (AF) Department’s O.M. No.FEM.44/2003/Pt II/158, dated 17.09.2010.
Lah ban kdew hangne ba u Bah Allantry Franklin Dkhar u dei u wei na ki nongialam ba ha khmat jong ka ka seng UDP kaba ia don lang ha kane ka sorkar MDA kaba la lam khmat da ka seng NPP, ha ka jingiadon lang kiwei ki seng kum ka HSPDP, PDF bad ki MLA shimet.
