Shillong, Nailur 03: U Dr. Carl O. Rangad, Vice Chairman jong ka NESFAS u bala shongthait na ka kam kum u Director ka tnad rep soh jong ka sorkar Meghalaya u la shah thung ba un long u nong ai buit jong ka Agroecology Fund (AEF). Da kane ka jingshah thung ka jong u, u la ong u riew lum u ba nyngkong na North East India ban poi sha katei ka kyrdan.
Kane ka Agroecology Fund (AEF) ka dei ka kynhun trei mon sngewbha kaba bei ia ki jingiarap sha kylleng ka pyrthei bad ka ophis trei kam kaba ha khliehduh ka don ha Washington, D.C, jong ka Ri America. Kane ka kynhun ka trei ban kyrshan ia ki ba bun ki ri jong ka pyrthei bad khamtam eh ia ki nongrep.
U Dr. Carl O. Rangad’s u la shah jied ba long u nongai buid na pdeng kiba bun ki riew paw khmat ka pyrthei ia kaba la bishar bniah da ka AEF Board. Na pdeng kiba bun kiba la don kyrteng la jied ia u dr Rangad.
U Dr Rangad shuwa ban shah jied kum u nongaibuid jong ka AEF u la long ruh u dkhot jong ka NEFAS ha kaba ki la ia trei ryngkat ryngkat na ka bynta ban pynkhlain ia ka rep ka riang tynrai kaba khlem da pyndon kam ia ki dawai. U Dr Rangad u la long u ba nyngkong na pdeng ki briew jong ka dong shatei lam mih ngi jong ka Ri India ba long kum u nongai buit hapoh jong ka AEF.
