Shillong, Rymphang 16: Ha dien ba ka sorkar kala pynbna ba kala pynhiar shuh ia ka Khajna umphniang da T. 5/- tyngka ha ka shilitter, ka Meghalaya Join Action Committee on Commercial Vehicles, kala khot ia ka jingialang ha kaba kila shim ia ka rai ban wengnoh ia ka jingsangeh kamai.
Haba kren ha ki lat pathai khubor ha dien ka jingialang, u nongialam ka MJACCV u bah Wandonbok Jyrwa u la pynbna ba kila weng ia ka jingiakhih bad baroh ki kali kamai kin sdang ban kamai noh naduh la shai ka sngi ha baroh kawei ka jylla.
Lah ban kdew ba kane ka jingiakhih ki kali kamai kala sdang naduh ka 3 tarik mynta u bnai bad kane ka jingiakhih kala neh 13 sngi lynter ban dawa na ka sorkar ban pynhiar ia ka dor umphniang.
