Shillong. Naitung 11: Ka kong Grace Kharpuri hadien ba la pynthikna da u Secretary jong ka Legislative jong ka KHADC ba ki nomination jong ki kila biang bad mynta kala long ka candidate ban ia khun ia ka elekshon CEM ka ban long la shai ka sngi kala kren shai ba lada ka jop ia ka elekshon kan phah tohkit beit sha ka CBI ha kaba ia dei bad ka pisa T.28 klur jong ka KHADC.
Haba kren ha ki nongthoh khubor mynta ka sngi kala ong ba wat la ka ia khun ia ka election CEM na ka PDA, hynrei ka nongrim kaba ka iing ka long ba lada ka jop la shai ka sngi kan phah tohkit CBI halor ka pisa jong ka KHADC kaba T.28 klur kumba ka long kren teng ha ki lad pathai khubor.
Haba jubab ia ki jingkylli, ka la ong, ka daw kaba la pynlong ia ka ban ieng ban ia khun ia kane ka elekshon CEM ka long ba kam iohi ba ka don kata ka jingiatylli ha ka kynhun kaba thymmai namar tang ka elekshon kam pat kala iohi ba kala don ka jingiapher jingmut hapdeng jong ki dei na kane ka daw ba kala rai ban ia khun ia ka elekshon CEM hapoh jong ka KHADC.
Ka kong Grace kala ong ba ka por mynta ka sah sa tang kumba 6 bnai ban poi sha ka elekshon MDC ka pork ala lyngkot, hynrei lada ka ioh ban long CEM kan pynbeit ia ki jingeh kiba la jyrwit jyrwat hapoh jong ka KHADC, kala kyntu ia ki para MDC ba kin ai ka jingkyrshan ia ka la shai ka sngi ha ka jingiathep vote CEM hapoh ka iing dorbar jong ka KHADC.
