Shillong, Jymmang 30: U Heh pulit jong ka West Garo Hills District mynta ka sngi ha ka jingphah khubor jong u la kyntu ia ki paidbah ba kin husair na ka jingtyrwa ba phi la jop ia ka Lottery KBC ia kaba la tip kum ka “Kaun Banega Crorepati” ia kaba la juh pynlong ia ka jingkyntip da u Amitabh Bachchan hapoh TV.
Ha kine ki sngi ki riew paidbah kila ioh ia ki jingpyntip lyngba ki WathsApp na ki number kiba la sdang 0092 bad da u number 0091 ban ong ia ki briew ba kila shah jied kyrpang ban ioh ia ka khusnam kaba T.25,00,000/- tyngka namar la jied ia ka number mobile jong ki da ka KBC.
Kine ki riew shukor kiba leh ia kane ka kam ki da kam ia lade ruh ba ki dei ki heh jong ka KBC bad kila ong ruh ba ia ka pisa kaba dei ka khusnam jong ki yn thep sha ka akount jong ki. Kine ki riew sniew ki da phone ruh bun bun sien ia kito ki briew kiba kila phah ia ka jingpyntip.
Na ka liang jong ki pulit ka West Garo Hills District kila iathuh ba kila don kiba ioh ia kane ka jingtyrwa bad haba ki phone ki ioh ia ka jingbethah ba kin dei ban thep ia ka pisa ha ka bank akcount Indian Bank bad kane ka long ka pisa na ka bynta ban pynleh ia ka kam jong ki. Kine ki riew sniew ha dien ba la thep ia ka pisa ki phone biang bad ki da ong ba lada ki kwah ba ia ka cheque yn ai ha ki na ka kti jong u Amitabh Bachchan.
Na ka liang jong ki pulit kila kyntu jur ia ki paidbah ba nym ngop ha kim kine ki briew kiba phone ha ka kyrteng jong ka KBC kiba tyrwa ia ki khusnam. Na ka liang jong ki pulit kila ong ba lada don kiba ioh ia kum kine ki jingtyrwa kin sngewbha ban pyntip sha ka ki pulit ha kane ka number +91-3651-222461 lane phah da ka email sha kane ka email id: cybercell.wgh-meg@Gov.in
