New Delhi, Iaiong 20: U Myntri rangbah duh jong ka ka Ri, u Narendra Modi un pynkup burom da ka Awards for Excellence ha ka jinglah ki ophisar sorkar ban pyntreikam ia ki prokram bad ka jingwanrah ia ki rukom pyrkhat ba thymmai sha ki district bad sha ki shnat ba pyntrei kam bad ki kynhun jong ka sorkar pdeng bad jong ki sorkar jylla ha Vigyan Bhawan ha ka nongbah Delhi lashai ka sngi kata 21 tarik Iaiong. Un ai jingkren ruh sha ki ophisar sorkar ha kane ka jingialang.
Ia ka “PM Awards for Excellence in Public Administration” la thung da ka thong ban ithuh bad ai khusnam halor ka jingai jingshakri bha ha ka bha ka miat jong ki nongshong shnong da ki District bad ki kynhun jong ka sorkar pdeng bad sorkar jylla. Saw tylli ki prokram ba la ithuh na ka bynta ka khusnam.
Kita ki skhim kiba ka sorkar pdeng kala pyntrei kam, ki long ka, Pradhan Mantri Fasal Bima Yojana, Promoting Digital Payments, Pradhan Mantri Awas Yojana – Urban & Rural, bad ka Deen Dayal Upadhyaya Grameen Kaushalya Yojana. Nalor kine, kin don ruh ki khusnam halor ka jingwanrah ia ki rukom ba thymmai da ki kynhun jong ka sorkar pdeng, sorkar jylla ba kynthup ki District.
Khatwei tylli ki khusnam na ka bynta 4 tylli ki prokram ba la ithuh yn ai mynta u snem katba artylli yn ai sha ki kynhun jong ka sorkar pdeng bad jong ki sorkar jylla, kum juh jongki district halor ka jingwanrah ia ki rukom ba thymmai ha kaba kawei ka khusnam yn ai sha ka Aspirational district.
U myntri rangbah duh jong ka Ri, un pyllait ruh artylli ki kot ha kane ka jingialang. Ka ‘New Pathways’ kadei khana jingjop halor ka jingpyntreikam ia ki prokram bad ki rukom ba thymmai katba ka ‘Aspirational Districts: Unlocking Potentials’ kadei ka jingpyrshang ban pynkylla ia ki Aspirational District.
