Shillong, Naiwieng 30: Mynta ka sngi u Lat ka jylla u Satya Pal Malik u leit ban jngoh ia ka jaka sah jong u Rabindranath Tagore haka por ba u wan ha Shillong kaba don ha Brookside Rilbong Shillong.
U Lat jong ka jylla ha kane ka jingleit jngoh u la shah skhot ia ka jingkren jong ka Malabika Bisharad bad u la ai ka jingkular ba un ia kren bad u myntri rangbah ka jylla bad ka sorkar pdeng ban iada ia kane ka jaka ban kongsan.
Ha kane ka jingleit u Lat ka jylla u la leit ban jngoh ruh ia ka shlem pyninam ha ka kyrteng jong u nongthoh poitri ba pawnam ia kaba la ai kyrteng “Rabindranath Tagore Art Gallery” ha kaba u la jngoh ia ki dur kiba don ha kane ka jaka buh sa kynmaw.
Ia kane ka jaka pynsah nam u President ka Ri India u Pranab Mukherjee bam kwai ha dwar u Blei u la ba leit ban jngoh ia kane ka jaka ha ka por ba u wan sha kane ka jylla Meghalaya ha u snem 2013, ia kane ka jaka pynsah nam la plied a ka sorkar Meghalaya da u Lat Madhukar Dighe ha u snem 1992.
Ha kane ka sngi la don lang u bah Fredrick Roy Kharkongor ba dei Commissioner bad Secretary jong ka sorkar Meghalaya ba dei peit ia ka tnad pynneh pynsah ia ki riti dustur bad kiwei kiwei kiba dei ki nongkyrshan ia u tei u riew khraw.
