Leit khang tala ka shnong Thangskai ia ka karkhana pynmih dewbilat ka Dalmia kompeni

Jowai, Kyllalyngkot 27: Mynta ka sngi ka shnong Thangskai kam lah shuh ban shusngap ia ka jingpynkhein ka kompeni Dalmia kaba la iateh kular bad ka shnong kaba don ia ka karkhana shna dewbilat hapoh jong ka shnong  Thangskai.

U Bah Kison Dkhar Secretary shnong haba kren ha u SP News Agency lyngba ka phone mynta ka miet u la iathuh ba ka daw jong ka jingleit khang tala ia katei ka karkhana shna dewbilat ka long ba kala pynkhien ia ki kyndon kiba la iatheh ba ka shnong  khamtam eh ha ka jingthung kam ia ki samla jong ka shnong.

La iathuh ba kane ka jingiaid lait jong kane ka Kompnei kam dei kaba dang  mynta hynrei kila iaid lait mynta la palat ia ka san snem ha kaba ka shnong kam lah shuh ban shu sngap bad mynta ka sngi kim ban se ban khang tala ia kane ka karkhana.

La iathuh katba ki leit ban ia kren na ka liang jong ka kompeni ka juh pan por shiphew sngi, shi bnai bad kane ka jingpan por kala iaid mynta la palat ar snem, ka jingleit ban khang tala mynta ka sngi ka dei namar ba kim ai kamia ki trai shong kumba la iateh kular.

U bah Kison  u la ong ba ki don bun kiwei ki kyndon ruh kiba ka kompeni kala pynkhein ia kiba la iateh bad ka shnong , hynrei kane ka jingkhang tala kaba mynta ka sngi ia kane ka karkhana shna dewbilat ka long ba kam ai kam ia ki samla jong ka shnong wat la ki la dep ban buh ia ki kot ki sla ruh, ha ka por ba kren la ong ba ki dang ia don ha ka jaka ba don katei ka karkhana shan dewbilat.

Kane ka jingleit khang tala ia katei ka karkhana shna dewbilat ka dei da ka shnong ha kaba la ia mih paidbah kynthei bad shynrang ban leit tur sha katei ka jaka shna dewbilat jong ka Dalmia kompeni kaba don ha shnong Thangskai ha East Jiantia Hills District.

What Next?

Recent Articles

Leave a Reply

Submit Comment

*