Lum u bah Sanbor MLA ia ki kynhun bapher bapher ban ia kren halor ki kam pynroi

Shillong, Jylliew 12: U Bah Sanbor Shullai MLA jong ka 19th South Shillong u la lum ia ka jingialang jong baroh ki kynhun kiba hap hapoh jong ka Constituency ban ia kren ha kaba ia dei bad ki kam pynroi hapoh jong ka Konstitwensi, ia ka kane ka jingialang la lum ha Assam Club Laban bad ha CERA club kaba don ha Jahlupara.

Ha kine ki jingialang paidbah kiba u la lum ar sngi lynter la wan ban ia shim bynta da 141 tylli ki kynhun na baroh ki liang, khamtam eh na ka liang jong kito ki long iing kiba duk kiba rangli. Ha kane ka jingiakynduh u la kyntu ia baroh ban long kiba peitngor ba peit ba ki kam pynroi kiba pyntrei dei ban dep ha ka por kab biang.

Ha kine ki jingialang ha ki ar tylli ki jaka u la bethah ia baroh ki kynhun ba kin sngewbha ban ai ki skhim jong ki khang ba un lah ban ia kren bad ki tnad sorkar bapher bapher katkum ka jingdon kam ka jong ki. Ha kane ka jingiakren la pynsngew ruh ban dawa na u Myntri rangbah ka jylla bad na ka myntri korbar ri jong ka Ri India ba kin pynphai biang noh ia ka madan Garison sha ka Laban Sport Club da kaba shimb a ka jylla kan pdiang ia ka national games ha u snem 2022.

Kiwei ki mat kiba la ia kren ka long ban ia kren bad ka myntri karbari jong ka sorkar pdeng ba ha ki jaka ba lait jong ki shipai dei ban shan ia ki jaka ieng kali bad ia ki jaka leit bar na ka bynta ki paidbah. Kane ka kynhun kan ia kynduh ia u myntri rangbah ka jylla hapoh mynta ka taiew ban ia kren ia kine ki kam.

Ha kine ki ar sngi jong ka jingialang ki paidbah kila pynkup burom ruh ia u Bah Sanbor ha ka jingjop ka jong u ha kine ka election ha ka sien kaba lai na ka 19th South Shillong Constituency.

What Next?

Recent Articles

Leave a Reply

Submit Comment

*