Lyngba ka surok na Mawlasnai wan iew ki pulit Assam da ki bike haduh Bhoirymbong

Shillong, Naitung 04: Mynta ka sngi ki pulit ka jylla Assam kila wan iew haduh Bhoirymbong kaba dei hapoh jong ka Ri Bhoi District ban wan siew ban tda ia ka jingdon kam ka jong ki. Kine ki pulit kila wan da ki bike.

Haba kren ha u SP News Agency, ka Deputy Commissioner jong ka Ri Bhoi District ka long R M Kurbah kala iathuh ba kala ioh ia kane ka jingtip ba ki pulit jong ka jylla Assam kila wan iew haduh Bhoirymbong bad ha kaba ia dei bad kane kan sa khot ia ka jingialang bad u Superintendent jong ki pulit ka Ri Bhoi mynta ka sngi ban ia kren.

Haba la kylli hato ka don ne em ka khyrdop ha Mawlasani kaba dei ka jaka ba iarung ia mih ki briew na ka liang jong ka DC kala iathuh ba kam don khyrdop namar ba kam dei ka jaka rung jaka mih, hynrei da ka jingwan kine ki pulit jong ka jylla Assam mynta ka sngi ki hap ban leh ei ei.

Ka DC jong ka Ri Bhoi kala iathuh ba kala dep ban bthah ia baroh ki nongshong dukan ba kin but ia ki kyndon kiba la buh da ka sorkar bad ba kin long kiba kham husiar ha kaba ki plie ia ki dukan jong ki.

U bah A Nongrum President jong ka seng HPF jong ka Ri Bhoi District u la iathuh ba kane ka jingwan iew jong ki pulit na Assam shaduh Bhoirymbong kala pynkyndit ia ki briew ha katei ka jaka bad kine ki pulit ka jylla Assam kila wan da ki bike.

Kine ki pulit na Assam kila rung ha ka ATM jong ka SBI kaba don ha Bhoirymbong, ka jingsngewkhia ka seng ka long ba kane ka jingpang COVID-19 ha Assam ka dang jur bha ki don ka jingsngewsyier, la ong ba kine ki pulit ki dei kiba don ha Umru jong ka jylla Assam.

 

 

What Next?

Recent Articles

Leave a Reply

Submit Comment

*