Shillong, Nailar 17: 
Ka Shillong Lajong Academy,India mynta ka sngi kala ia kynduh ia ka Dongguan Machong FC China mynta ka sngi, ha kane ka jingialehkai kynjat bol kila iathep mar shikol ha ka jingialehkai BRICS U-12 International Youth Football Tournament kaba la long ha Putian Sports Centre ha Putian, hapoh ka Ri China.
Ha kane ka jingialehkai mynta ka sngi ha ka second group B game, ka Chinese Club kala thep nyngkong ia ka kol haka kylla step kaba nyngkong bad hapdeng katto katne minit ka la thep shikol lyngba u Alwinson Bareh ban pyniaryngkat ha kane ka jingialehkai.
Kine ki team kila ia ioh mar shi point ha kane ka jingialehkai namar kila iathep mar shikol. Ka Dongguan Machong FC ka long kham bun point ha ka kynhun group B bad ka Shillong Lajong ka wan ba ar namar ka iapher ka rukom thep kol.
Ha ka jingialehkai ka ban wan ka Shillong la jong kan ia kynduh bad ka Fujian Outshion FC jong ka Ri China la shai ka sngi ha ka por 7 baje mynstep katkum ka por jong ka Ri India.
