Mih khmat ka Lajong U-12 ia ka Ri India ha ka BRICS IYF Tournament ka ban long ha China

Lajong U-12 Team kiban leit sha ChinaShillong August 13: Ka Shillong Lajong  Under-12 youth team kan mih khmat ia ka Ri India ha ka jingialehkai kynjat boll ha ka sien kaba nyngkong ia kaba la pynbeit da ki Ri kiba don hapoh jong ka kynhun  BRICS bad ia kane ka jingialehkai la tip kum ka  International Youth Football Tournament ka ban long ha  Putian, China haka 16 tarik mynta u bnai.

Ka kynhun ia lehkai kynjat bol, ka Shillong Lajong FC Academy kan long tang ma kaban mih khmat ia ka Ri India ha kane ka jingialehkai, kiwei ki Ri ki ban ia shim bynta ki long ka Fujian Outshion FC (China),  Fluminense FC (Brazil), Luch-Energia Vladivostok FC (Russia), Panorama FC (South Africa), Beijing FA National Games U12 Team (China), Chongqing Yangjiaping Middle School Football Team (China), Dongguan Machong FC (China),  Guangzhou R&F Football Club (China), UPBOX GZ Football Academy (China), Luoyang Xigong Fanglin Primary School Team (China), Changsha Yuhua Dexinyuan Primary School (China), Baotou Hadadao Primary School (China), Qingdao Kunpeng FC (China), Shannxi Wave FC (China), GreenTown Yuhua Taohuayuan School (China).

Ki rangialehkai kiba la Shillong FC kala jied ba kin leit ia shim bynta ha kane ka Lajong U-12 team ki long, u Damang Kyrpang, Bankitlyngkor Diengdoh, Wanbhaboklang Khongwar  bad Nathan Benezer Majaw na  Laitlyngkot,  Proficiently Ksih bad  Alwinson Bareh na Rymbai, Jaintia Hills,  Badapbiang Lawai, Sankiroy Sari, Sankikupar Marboh bad Sanmiki Ryngtong na Mawryngkneng,  Basynsharlang Nongrang na  Krang,  Rijied Dathiew Warbah na  Nongkrem,  Vandame Dhar na Golflinks, Shillong,  Elbin Lyngdoh bad Aibok Lawriniang na Lawbyrwa, Bhoi. Ki ar ngut nongialam jong ka Lajong kiban ialam ia kane ka kynhun ki long u Birendra Thapa bad  Pynshailang Dann.

UGeneral Manager, Shillong Lajong u Bah Habamutlang Lyngdoh u la pynpaw ia ka jingsngew kmen ba ka Shillong FC na ka jylla Meghalaya kala shah jied ban mih khmat ia ka Ri India ha kane ka jingialehkai. Laong ba kane ka jingialehkai kam plie ia la lad na ka bynta kine ki khynnah ba kin pyni iala ka jong ka sap kaba don ha katei ka jingialehkai ka ban long ha China. Kane ka dei ka kabu ksiar ia kine ki khynnah kiba dang hapoh ka 12 snem ba kin ioh ia kane ka lad.

What Next?

Recent Articles

Leave a Reply

Submit Comment
*