Shillong, Nohprah 19: Mynta ka sngi ha ka por kumba lai baje dang step phyrngap kala don ka jingiatyngkhuh kali ha Umsning ha kaba ka Maruti Baleno bad ka Trok. Kine ki briew kiba don ha ka Maruti ki mih na Guwahati ban leit sha Dawki hynrei kila ngat ha kane ka jingjia kabasngewsih.
Ha kane ka jingjia ka samla kynthei kaba la 22 snem ka rta ia kba la tip kyrteng kum ka Nisha Niommi kala mynsaw bad la pynkit ia ka sha Umsning CHC da ka kali Ambulance 108.
Ha ka por san baje mynstep kawei ka trok kaba la pynher sted kala leit ban tynrah ia kawei pat ka trok na din ha Shangbangla ha kaba u Joshnland Mawlong u la mynsaw ia u la pynkit sha Nongpoh Civil Hospital ban sumar bad ha dien kata la kit noh sha Civil Hospital Shillong.
Ha ka por 9.52 baje mynstep kawei ka kali Mahindra Pick Up kala leit ban noh sha rait ha Umsning, ha kane ka jingjia la don ar ngut kiba mynsaw u Johnson Thabah ba dang 16 snem bad u Fernanda Thabah bala 23 snem ia kine la pynkit sha Umsning CHC da ka kali Ambulance 108.
