New Delhi, Naiwieng 29: U Arvind Saxena, mynta ka sngi u la bam smai kum u Chairman jong ka Union Public Service Commission (UPSC) ia ka jingpynsmai la leh da u Prof. Dr. Pradeep Kumar Joshi, u ba dei u wei na ki ophisar rangbah mynta ka sngi.
U Saxena u la shah thung hapoh ka UPSU kum u dkhot ha ka 08/05/2015 bad ha ka 20/06/2018 u la shimti ban pyniaid ia ka kam kum u sharman bad mynta ka sngi u la shimti pura kum u sharman ba pura jong ka Kommission.
U Saxena, u la wan na ka jingpule kaba dei jong ka line engineer napoh jong ka Delhi College of Engineering bad ia ka M.Tech pat u la pyndep na ka IIT, New Delhi, ha dien ba u la pass ia ka “Civil service” u la shim ia ka kam hapoh jong ka Indian Postal service naduh u snem 1978 haduh u snem 1988.
Ha dien ba ula iehnoh ia ka kam na ka Indian Postal Service u la trei hapoh jong ka tnad Research bad Analysis Wing hapoh jogn ka Cabinet Secretariat, ha kaba u la pyntbit ia lade ha ka liang jong ki kam iada ri, bad ka Ri Nepal, Pakistan bad China. Kum u ophisar u la ioh ruh shibun ki jingshah pynkup burom ha ka kam kaba u trei.
