Shillong, Naiwieng 30: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 positive ki long 70 ngut, East Khasi Hills 53, East Jaintia Hills 4, Ri Bhoi 4, West Khasi Hills 4, South Garo Hills 1, kiba dang shitom baroh ki long 763 ngut.
La pyntip ruh ba kiba la koit mynta ka sngi baroh ki long 75 ngut, East Khasi Hills 52, South Garo Hills 12, West Garo Hills 7, Ri Bhoi 3 bad East Garo Hills 1 kiba la koit haduh mynta ki long 10936 ngut ha ka jylla baroh kawei.
Ka jaka kaba la test bun eh ki briew mynta ka sngi na kane ka jingpang COVID-19 ka dei them basuk haduh 21 ngut na katei ka jaka, katba ha Ri Bhoi pat kiba ioh ia kane ka jingpang ki long saw ngut bad kine baroh saw ngut dei kiba don ka jingiajan bad kiba don ia ka jingpang.
