Shillong, Iaiong 24: Ka seng Synjuk ki Rangbah Kur ka Bri Hynniewtrep (SRKBH) mynta ka sngi kala leit ban noh syniang sha ka Meghalaya Chief Minister Relief fund da kaba ai ia ka cheque ha u myntri rangbah ka jylla u Conrad K Sangma da u President ka seng u Bah Herman Nongrum.
Ha ka jingiakynduh na ka liang jong u mytnri rangbah u la pynpaw ia ka jingsngewnguh ia ka synjuk kaba la noh syniang sha ka MCMRF ha kane ka jingialeh pyrshang ia kane ka khlam COVID-19 ha kane ka jylla bad u pynpaw bad a ka jingiatreilang yn lah ban ialeh pyrshah ia kane ka khlam.
U MYntri Rangbah ka jylla u la kyrpad ia ka synjuk ban pynsngewthuh lem sha ki paidbah ban nym don kano kano ka jingia niewbein ha kum kane ka ka por, hynrei ban ia treilang bad kaba kong san ka long ban but ryntih ia ka jinghikai ban pynia jngai i wei na iwei ban khanglat ia kane ka jingpang.
Ha kane ka jingleit ai ia kane ka jingnoh syniang kum ki rangbah kur, la don lang u bah HS Shylla u nongai buid ka seng, u bah Aristotle L Mawphlang General Secretary ka seng bad u bah Starfing Pdahkasiej executive member ka synjuk.
