Shillong, Lber 05: U myntri ba dei peit ia ki kam pule puthi jong ka sorkar Meghalaya u bah Lahkmen Rymbui mynta ka sngi u la plie ia ka jaka pynmihbor ding eletrik ia kaba la tip kum ka “Lakroh Mini Hydel Project” kaba hap hapoh jong ka West Jiantia hills District.
Kane ka jaka pynmih bor ding kaba rit ka don hapoh jong ka shnong Muktapur ha kawah Lakorh kaba hap hapoh jong ka Amlarem Civil Sub Division. Da ka jingplie ia kane ka jaka pynmih bor ding kaba rit kan ai bor ding sha ki 14 tylli ki shnong kiba don sawdong jong ka.
Da kane ka jinglah ban plie ia kane ka jaka pynmih bor ding kaba rit mynta ka sngi kan iarap ban pynioh ia ka bor ding eletrik sha ki 14 tylli ki shnong bad bun sien kine ki shnong ki juh duh laight khah khah na ka daw jong ka jingbym biang ka bor ding eletrik.
