Shillong, Nailar 21: U President jong ka Ri India mynta ka sngi u la thung ia u Tathagata Roy kum u Lat ba thymmai jong ka jylla Meghalaya bad ia u Lat ba mynta u Ganga Prasad la thung ia u kum u Lat jong ka jylla Sikkim.
Ha ka jingpynmih khubor mynta ka sngi na ka ophis jong u president jong ka Ri India, la ong ba la thung ia u Lal Ji Tandon kum u Lat jong ka jylla Bihar. Ia u Satyadev Narayan Arya kum u Latjong ka jylla Haryana. Ia ka Baby Rani Maurya la thung kum ka Lat jong ka jylla Uttarakhand.
Ia u Satya Pal Malik, Lat jong ka jylla Bihar la pynkynriah bad thung ia u kum u Lat jong ka jylla Jammu bad Kashmir. Ia u Lat jong ka jylla Meghalaya u Ganga Prasad la pynkynriah bad thung kum u Lat jong ka jylla Sikkim. Ia u Tathagata Roy, Lat jong ka jylla Tripura la pynkyntiah bad thung kum u Lat jong ka jylla Meghalaya. Ia u Kaptan Singh Solanki Lat jong ka jylla Haryana la pynkynriah bad thung kum u Lat jong ka jylla Tripura.
Kane ka jingthung bad pynkynriah kam kan trei kam naduh ka sngi kaba kin shimti ia ka kam hapoh jong ki jylla.
