Shillong, Nailur 11: Mynta ka sngi ki paidbah ka thain Shangpung kaba hap hapoh jong ka West Jaintia Hills District kila lap ia ki briew kiba la ioh phet na phatok District Jail Jowai ha kaba kila bom pynmynsaw ha kaba saw ngut kila khlad bad ar ngut ki dang lait na kti ki paidbah.
Ha dien ba la bom paidbah ia ki saw ngut la pyntip sha ki pulit jong ka West Jaintia Hills bad kat ban da poi ki pulit kitei ki saw ngut kila la mynsaw jur bad ha dien kato katne por kila khlad ha katei ka jaka bad ia ka met jong ki la shimti da ki pulit ban pynkit sha Civil hospital Jowai ban leh ia kab don kam.
Ki kyrteng jogn ki briew kiba la laiphet na phatok ha ka 10/09/2022 ki long u I Love You Talang, u Rikmenlang Lamare, u Lodestar Tang, u Marsanki Tariang, u Shidorki Dkhar, bad u Ramesh Dkhar, ki paidbah kat haduh ba thoh ia kane ka khubor ki dang thwet ia ki ba dang lait phet.
Haba u SP News Agency u la phone sha u Superintendent ki pulit jong ka West Jaitnia Hills ban tip ia ki kyrteng kiba khlad na kitei ki saw ngut kiba la shah bom iap ha ki paidbah bad kiba dang lait phet hynrei na ka liang ki pulit haduh ba thoh ia kane ka khubor kim pat ai jingtip ei ei halor katei ka jignjia.
