Shillong, Nailur 19: U Chief Executive Member jong ka Jaintia Hills Autonomous District Council (JHADC) u Bah Thombor Shiwat u la ong wat la ka Meghalaya Pradesh Congress Committee (MPCC) kala jied ia u Bah Andrew Shullai bay n long u nongialam ka party Congress, yn nym resign na ka kam CEM bad ngan nym pyndem ha khmat jong ka MPCC.
Haba kren ha u SP News Agency, u CEM jong ka JHADC u Bah Thombor Shiwat u la ong ba “ngan nym resign kum u CEM jong ka JHADC, ngan nym pyndem ha khmat jong ka MPCC, ngan ap beit ia ka jingiatynjuh bor hapoh ka iing dorbar ynda u Lat ka jylla un khot ia ka dorbar ba kyrpang”. Kane baroh ka dei ka jingthombor jong ka MPCC yn ka jingkwah jong ki para MDC.
U Bah Thombor u la ong ba katkum ka rule, Assam bad Meghalaya Autonomous District (Constitution of District Council) rules, 1951 ka kren shai kdar ban khot ia ka dorbar ba kyrpang don kam lai pawa na ka jingdon ki dkhot ka iing dorbar ba kin ia soi ban khot ia ka dorbar ba kyrpang, katba mut don kam 20 ngut ki MDC ba kin soi khnang ban lah ban khot ia ka dorbar ba kyrpang.
U CEM jong ka JHADC u Bah Thombor u la ong ruh ba “ Ngam ap peit ia ka dorbar ba kyrpang kaba u Lat jong ka jylla un khot, ngam nym pyndem ha ka MPCC lada dei ban hiar na ka shuki CEM dei tang ka iing dorbar kaba lah ban leh. Lada nga ioh ia ka jingkyrhan jong kiba bun nga la neh bad lada ngam ioh shuh ngan hiar na ka shuki CEM, ym ban rai da ka MPCC, ia nga la jied da ka iing dorbar bad ai ka iing dorbar kan rai”.
