Shillong, Naiwieng 18: U Bah Wandonbok Jyrwa General Secretary ka seng ki nongniah Local Taxi jong ka East Khasi Hills Local Taxi Welfare Association la ong ba ki draibar Taxi ki dang hap ban but ia ki kyndon kiba la buh da ka tnad ka koit ka khiah haba kit briew ha ki Taxi.
Haba kren ha u SP News Agency u la ong ba ka hokum kaba kila ioh ka long ba baroh ki Taxi kila lah ban kamai naduh mynta ka sngi, hynei haba kit briew pat ki dang hap ban bud ia ki kyndon kiba la buh da ka tnad ka koit ka khiah, kata nalor u nongniah kiba shong ki dei ban long wei ha khmat bad ar ngut ha dien.
U Bah Jyrwa u la kyntu ia ki paidbah ba kin ia treilang bad ka seng ba la da don ki nongniah Taxi kiba kit pala ia ka tei bad shim ia ka dor kaba heh kin pyntip sha ki nongialam ka seng ban leh ia kaba don kam bad lada ki kit katkum ki kyndon kiba la buh ki hap ban siew ia ka dor bala dep ban pynbeit.
U Bah Jyrwa u la kren shai bala da ki nongniah Taxi ki kit briew palat ia kaba la buh ki dei ban siew ia ka dor kaba rim bad la lada ki shim tam ki dei ban kren ym dei ban shuh sngap katba leh u ningniah taxi, lada ki kit katkum ka kyndon kin siew ia ka dorbar kaba la buh.
U general Secretary ka seng EKHLTWA u bah Jyrwa u la kren shai ba ia mynta la shah ia baroh ki Taxi ha East Khasi Hills ba kin kamai, hynrei ka jingkit briew ki dang hap ban kit katkum ka jingbthah ka tnad ka koit ka khiah.
