Ngim kwah ban iohi ba ka Wah Tyrsad kan kylla long kum ka Wahumsherpi:KSU

Shillong, Risaw 30: ‘ngi kwah ban pyn khuid nyngkong ia ka dohnud ki briew ban ym bret jaboh sha wah, Ka mei mariang ka long kum ka Kmie bad ma ngi ki khun bynriew ngi long kum ki khun kiba ngi im ngi sah ha ka jingkdup jong ka kmie kaba long ka Mei Mariang’. Ka KSU Tyrsad kala pynlong ia ka jingpynkhuid ia ki jaboh jabain kiba don ha kawah ba don ha shnong Tyrsad ryngkat bad ki khynnah skul jong ka shnong.

Na ka liang jong ka KSU ka buh ka jingkylli, ‘hato mano ba ju kynmaw ba mangi ki khun khlem ka Kmie ngin nym lah ban im ban sah ha kane ka pyrthei.Ka jingpynjot pynpra ia ka Mei Mariang da kaba lute bad pynjot pathar khlem da don shuh ka jingthew jingwoh, ka la long hi thik kumba ngi thmu ban pyniap ia la ki kmie ki kpa’.

Mano ba hun ban shim ia la ka jingim jong ki kmie ki kpa kiba la sumar sukher bad ban ri ban kdup iangi naduh ba la kha sha ka pyrthei.Hynrei ka jubab kaba shai ka long em yn ym don mano-mano ruh ba nud ban leh bein ia la ki jong ki kmie ki kpa kiba la ri la sumar ia ngi.

kumta ruh ki shim ia kane kum ka sien jam kaba nyngkong ka ban ngin dang iai bteng shuh-shuh nangne sha khmat ban wan rah ia ka jing khuid jing suba jong kane ka wah , haoid ia kaba mynta ka Wah Tyrsad kam pat da dei eh kata ka wah kaba don hapdeng ka jing ma jong ka jing jaboh ban kylla long kum kiwei pat ki wah kum ha Umshyrpi lane ka wah Umkhrah.

Na ka liang jong ka ka KSU kala kyntu ban long adkar lypa pat ia kaei kaba ngi la ioh i ba kane ka jing khuid jing suba jong kane ka wah kan lip rong noh namar ha ka jing kharoi jong ki nong shong shnong ka lah ban buh jingma lymda ki ba mynta kim don ka jingkitkhlih ban ri ban sumar ia ka ha shwa ban dier ka por.

Baroh ngi long tang kum ki nong shongwai ha kane ka sla pyrthei Kumta ia ka pateng jongngi ngin hap ban ai noh pat sha ki long dien jongngi kumta ka shong eh ha ngi kiba mynta kaba kumno ka pateng ngin ai ha ki. Kumta ka Seng hi kat ba lah la ka jong ka bor kan ia khun ban ym ai lad ba ki jing itynnat jong kane ka wah kan jah noh pat hynrei kan iai peitngor kyndiang na bynta ka lashai la shi sngi.

kaba donkam tam ia ngi hi ka long ba ngi kwah ban pyn khuid ia ka dohnud jong ki briew kiba ju leh bym suid niew da kaba shu bret pathar ia ki jaboh jongki tang namar ban sngew sarong  ba ki iing lane ki rud ki kiar jong ki ka la khuid hynrei pat ki kmen ban pyn tuid ia ki jaboh jabain sha rud jong ki wah.

Kumta lada ngim lah ban teh lakam ia kum kine ki briew kan shim jingeh ban wan rah ia ka jing khuid lane ban pynneh pyn sah ia ka kumba ka long ha ki por bad ki snem kiba la leit noh.ka Seng ka la shim ia kane ka sien jam halor kine ki mat, ka long ban ialap ban pyni ia u Paid Nong shong shnong ban  burom bad ban adkar ha kaba iadei bad ka jing khuid jong ki wah bad ki sawdong sawkun jong ka.

Ban ym bret pathar ia ki jaboh jabain ki Niut ki Nier khamtam ki plastic sha wah ki rud wah ne ki rud ki kiar ban pyn jaboh ia ki sawdong sawkun, Ban sait kali harud wah khamtam lei hapoh wah, Bad kiwei-kiwei pat kiba ia hap dur na bynta ka jing khuid jing suba kaba yn sa ioh jingmut na kiwei-kiwei pat ki Riew Shemphang. Ban ia trei lang bad baroh ki Dorbar shnong ki Seng Samla shnong bapher-bapher ban pyn neh pynsah ia ka jing khuid jong kane ka wah.

Kumta Ban pyn urlong ia kane ka jing thmu,ngi donkam ka jing iatrei lang jong baroh u Paid nong shong shnong naduh ki Dorbar Shnong,Ki Nongmih khmat,Ki Sengbhalang ,ki khynnah skul,ki samla pule, ki nong shong dukan bad baroh ki ba ju iaid ju ieng lyngba kane ka jaka ,lym kumta ka por kan sa dier bad ngin sa pyrta shla pat da ka jing babe.

Da kaba sngewkhia halor ka mat kaban ktah shisha ia ka pateng Bynriew,  Ka Khasi Student’ Union Tyrsad Circle lyngba ka Environment Cell  kaba dei kawei pat ka tnat treikam ka ban peit kyrpang tang ha kaba iadei bad ka Mariang, kum ka jing sdang ban prat lynti ban wan rah ia ka jingkhuid jingsuba jong ki sawdong sawkun,ki wahrit wahheh, ka la pynlong ia ka jing pynkhuid ia ka Wah Tyrsad halor ka phang pdeng “Ngi im ha pneh ka Mei-Mariang to ngin Ri bad Sumar Kyndiang” .

Ha kane ka jing pynkhuid ia kane ka wah la ia wan shim bynta da ki khynnah skul jong ka Tyrsad Hihger Secondary School,Seng Khasi Secondary School Tyrsad,St.Vianney English School Tyrsad,Kyrphei Secondary School,ki seng samla shnong,ki Samla na ki kynhun Niam bapher-bapher,ki seng long kmie,ki dkhot ka FKJGP Tyrsad Circle bad ruh na ka liang ka Tyrsad Area Sport Association (TASA). Ha kane ka sngi la wan ban ia shim bytna ruh da ki seng bapher bapher ba don ha kane ka jaka.

 

 

 

 

 

What Next?

Recent Articles

Leave a Reply

Submit Comment

*