Pan  jingiarap ka PWD na ka WB ban tei ia ka jingkieng ha wah Shella, Khasiamara

Shillong, Nailar 25: ka jingkieng ha Wah Shella bad Khasimara ki long kiba don kam haduh katta katta ym tang na ka bynta ki paidbah hynrei wat ia ki shipai BSF ban pahara ha khappud bad ka Bangladesh.

U Bah LD Suchiang Chief Engineer  jong ka PWD ba dei peit ia ki surok haba kren ha ki lad pathai khubor u la iathuh ba kila pynkhreh ban pan jingiarap na ka Wold Bank ban tei kitei ki ar tylli ki jingkieng ha Wah Shella bad Khasiamara kiba hap ha East Khasi Hills District.

U Chief Engineer u la pynsngew ba kine ki jingkieng ar tylli ki long kiba don kam haduh katta katta namar kine ki jingkieng ki pyniasoh ia ki bun phew tylli ki shnong ha khappud, ha pdeng ka thain Shella bad Mawsynram.

Ka PWD ha ki snem kiba la dep kala shna ia ka jingkieng ha ka Wah Shella hynrei kala khyllem ha ka por ba dang pynieng ia ki paia na ka daw jong ka jingkhlain palat jong ka jingtuied jong ka um bala jur palat u slap.

Halor kine ki ar tylli ki jingkieng kiba don ha khappud bad ka Bangladesh kiba don kam ruh na ka bynta ka jingiada ia ka Ri, ka sorkar jylla kala pynkhreh ban wad jingiarap na ka World Bank  ban tei ia ki ar tylli ki jingkieng ha wah Shella bad Khasiamara kiba don marjan.

What Next?

Recent Articles

Leave a Reply

Submit Comment

*