Shillong, Jymmang 13: U myn
tri rangbah ka jylla u Conrad K Sangma mynta ka sngi u la ia kynduh ia u myntri khynnah ka sorkar pdeng ba dei peit ia ka tnad kam poh iing u Kiren Rijiju ban pan ka jingkyrshan na u halor ka jingkwah ban wanrah ia ki jingkylla ha ki katto katne tylli ki ain jong ka sorkar pdeng ha kaba ia dei bad ka jingkwah ban pynlait ia ka jingkhang tih dewiong ha kane ka jylla Meghalaya.
Ha kane ka jingiakren bad u myntri khynnah ka sorkar pdeng u myntri rangbah ka jylla u la pynsngewthuh ia u Rijiju ba kumno lah ban pynlait ia kane ka jingkhang tih dewiong ha kane ka jylla Meghalaya da kaba pyntrei kam iaka Para 12(A), (B) jong ka Sixth Schedule jong ka riti synsahr jong ka Ri India.
Ha kane ka jingiakynduh na ka liang jong u myntri rangbah ka jylla u Conrad u la batai ruh ha u myntri khynnah ka sorkar pdeng ba dei peit ia ka tnad kam poh iing ia ka jinglong jingman ka shong suk shongsain ha ka jylla Meghalaya bad ha ka juh ka por u la ai khublei ia u myntri kam poh iing ha kaba ka sorkar pdeng kala weng noh ia ka jongpyntrei kam ia ka AFSPA ha kane ka thain.
