Jowai, Nohprah 11: Mynta ka sngi ka Khasi Students Union Jaintia Hills District Unit khadien ba ka la iohi iaka khubor halor ka jingai syrnod thok jong uwei u Dkhar Nepali ia uba latip kyrteng kum u Khrishna Sapkota sha ki Khar Nepali , ki Bangali bad kiwei ki wei ki mynder ri naka bynta ban pynioh Aaddhaar Number iaki mynder ri kumta myn hynne ka sngi naka liang ka Seng mar mar kala leit ban shimkhia mar mar iakane ka kam.
Naka liang la Seng mynta ka Sngi ja ryngkat u Rangbah Shnong ka Shnong Latyrke ka la leit ban ia kynduh ia u Superintendent of Police ka East Jaintia Hill naka bynta ban kyntu ia u ban shimkhia bad ban tohkit bniah ia baroh kiba don kti bad ban kem syndon iaki katkum ka ain.
“Ngi don ka jingsuba kaba jur ba lah ban donkti kiba trei hang to hapoh ophis kaba shim contract naka bynta ban pynrung iaki briew namar katkum ka jingiathuh ki paidbah kiba thmu pynrung kyrteng ia lade baka bynta ban ioh ia u Aaddhaar Number ba maki kiba wan naduh dangstep ki hap ban ap bad ieng da u lain katba haba wan u ne u Khrishna Sapkota pat u rung la ka rung kumta khlem don jingwit bad pyndep kam thik thik hangto hapoh” la ong ki nongialam ka Seng.
” kaba sngew phylla shuh shuh ka long ba haba wan u ne u dkhar ki nongtrei hang to ki khang iaka jingkhang khlem da shah ban rung uwei ruh.” La ong ki nongialam ka KSU Jaintia Hills District Unit. Haka jingiakren bad u SP naka liang u SP ula kular ban shimkhia iakane ka kam bad ban kem mardor ia kat kiba donkti.
Hadien kane naka liang ki nongialam ka seng ki la leit ban ia kynduh sa ia u DC ka East Jaintia Hill nakq bynta ban pan jingbit na u ban ioh kyndang bad bad pait bniah iaki kot kiba pyndonkam da uto u dkhar naka bynta ban appy Aaddhaar number Naka liang ka seng ka la dawa ruh na u DC ban weng ia baroh ki Addhar Number kiba la otnioh lyngba uta u dkhar.
Naka liang u DC ula kular ban shimkhia iakata ka kam bad ula pan por shitaiew naka bynta ban scrutinies ia baroh ki kot ki sla kiba don jingartatien bad bad weng shisyndon iakito kiba ioh iaki RC dakiba thok bad shukor.
Halor kane ka jingkular jing u DC naka liang ka Seng ka la rai ban iai ap shwa shipor bad naka liang ka seng hi kam pat shong kli kti hynrei shen naka liang ka Seng kan sa pan syndon daka RTI naka bynta ban tip kham bniah iaka jingpynrung Aaddhaar kulmar ia u Mynder namar la sngewthuh ba bun ki mynder ki la pynrung kyrteng ialade khlem da don kino kino ki jingpynshisha kiba tikna.
Lah ban pynkynmaw ba une u Dkhar ula shim haduh T.700 , T.800 na uwei uwei u bar jylla naka bynta ban pynioh Syrnod thok kaba don ia ka jingdoi kyrteng u Rangbah Shnong ka Shnong Latyrke. Kaba sngewphylla ka long ba une u dkhar ula tah sia lieh iaki serial number kiba don hakane ka Syrnod bad pyndonkam da ki xerox copy naka bynat ban apply Aaddhaar number.
Kaba pynsuba jur ka ling kumno kine kiba trei bad kiba shim contract van pybrung addhar number ki shah bad ailad haba kila iohi paw shai iaka jingtah sia lieh haki syrnod kata ruh khlem da peit bniah iaki kot original .
Naka liang u Rangbah Shnong ka Shnong Latyrke ula pynpaw iaka jingkyndit ban iohi ba une u dkhar u donkti ban dietuh iaki syrnod sha ki bar jylla.
“Ngam tip kumno kine ki syrnod ki poi hakti une u dkhar ” la ong u Rangbah Shnong ka Shnong Latyrke u ma Pynhun Bhoi.
