Shillong, Naiwieng 20: Ha ka jingialang pdiang burom ia U Hame Shaniah Suiam la pynlong ha Mairang Tirot sing Memorial Hall Pyndengumiong, ki dhkot nongialehkai Kickboxing na Mairang ryngkat ki nongkitkam ka Meghalaya State Kickboxing Association ki la pynpaw ka jingsngew kmen kaba khraw hadien ba u Bah hame Shaniah Suiam u la poi ha ka kyrdan kaba ha ka WAKO World Seniors bad Masters Kickboxing Championship 2017 kaba dang shu kut shen ha Budapest Hungary.
U Hame Shaniah u la lah ban poi haduh ka Quarter Final bad u la shah jop noh ha U Radulov Borislav World No 2 na Bulgaria. Kiba la don ha kane ka jingialang ki la pynpaw ka jingsngew kmen kaba khraw ba wat lada ngi dang duna shibun kiei kiei ki jingdonkam da kumno ban pyntbit ialade ha kane ka jait jingialehkai Kickboxing, hynrei ka jingioh ban ia shim bynta U hame Shaniah Suiam ban mih na ka bynta Ka Ri India baroh kawei ka long pat ka jingai mynsiem ia kiwei ba don ka lad lada ngi khein duh ialade ban pyntbit kum ki nongialehkai ia ka sap ban kyntiew ba la kyrpang da ka mei mariang.
Kumta na ka liang ka Meghalaya state Kickboxing Association ka ai khublei ia ka WAKO Indian Kickboxing Federation kaba la shim jingkitkhlieh ban pynpoi ia U Samla Hame Shaniah Suiam shaduh katei ka thong ban don ha ka kyrdan kaba san ha ka pyrthei ha kane ka World championship 2017. Ka jingaikhublei na Ka MSKA ka leit ruh kyrpang sha kito baroh kiba la ia kyrshan lem bad ai mynsiem lem ia U Hame Shaniah Suiam ban poi haduh Budapest Hungary.
Ka MSKA ka pyntip ruh sha baroh ki khynnah ialehkai Kickboxing ka jylla ba kin pynkhreh na ka bynta ka Meghalaya State Level Kickboxing Championship 2017 ia kaba la buh Tarik shwa ban long ha ki taiew ba lai U Bnai Nohprah. Na ka bynta ki jingtip ba kham bniah kin phone ha une u no 8974966498, 9089142860, 8258848027. Kiba jop ha kane ka championship kin shah jied ban ialeit shim bynta sha Ka “National Kickboxing Federation Cup 2018, 17 – 21 tarik U Kyllalyngkot 2018” ka ban long Talkotara Indoor Stadium New Delhi.
