Pdiang burom ka BJP ia ki saw ngut ki MDC ka UDP na JHADC

Shillong, Nailur 07: Ha ka jingkren ban pdiangburom ia ki saw ngut ki MDC jong ka party UDP na JHADC kiba la leit ban pyniasoh sha ka BJP mynta ka sngi ha ophis jong ka BJP ha Bivar  Road Shillong, u bah AL Hek u la ong ba ha u snem 2023 ka BJP kan sa ioh ban ialam ka sorkar ha Meghalaya.

Haba kren ha kane ka jingialang u Bah AL Hek  myntri ba dei peit ia ka tnad ka koit ka khiah jong ka sorkar Meghalaya u la ong ba kane ka jingwan pyniasoh sha ka BJP da kine ki saw ngut ki MDC kan pynkhlain shuh shuh ia ka party ha ki shong ki thaw.

U Bah Sanbor Shullai, MLA haba kren ha kane  jingialang ki paidbah ha kane ka jylla ha kaba nyngkong ki pyrshah ia ka party Congress hynrei ha dien kila pdiang ia ka bad mynta kila ngiah ia kane ka party, kum juh ka party BJP ruh mynta kala suh thied ha kane ka jylla.

La ong ba ka jingshuh thied jong ka BJP ym tang ha kane ka jylla Meghalaya hynrei kala long ha kylleng jong ka Dong shatei lam mih ngi jong ka Ri India ha kaba kala ioh ban synshar ha ki jylla kane ka thain, ka daw ka long ba ki paidbah ki iohi ia ka jinglong nongialam jong u myntri rangbah duh jong ka Ri u Narendra Modi.

Ki saw ngut ki MDC jong ka UDP kiba la leit ban pyniasoh sha ka BJP mynta ka sngi ki long u Chairman jong ka JHADC u Bah Lakhon Biam, Krishon Langstang , Treilang Suchiang,  Dawan Lyngdoh. Ha kane ka sngi la don lang ruh u General Secretary ba dei peit ia ka jylla Meghalaya u Nalin Kholi ban ia sakhi lang ia ka jingpyniasoh kitei ki saw ngut ki MDC sha ka party BJP.

 

What Next?

Recent Articles

Leave a Reply

Submit Comment

*