Shillong, Lber 31: Mynta ka sngi ka jingialang jong ka Kabinet kala pdiang ia ka Meghalaya Miners Minerals Reclamation Fund Management Guideline 2020, ha kane ka sorkar kala sdang ban pyntrei kam ia kane naduh u snem 2015 bad kane ka long katkum ka rai jong ka High Court, dei halor la lum ia ka pisa hynrei ki kyndon kim pat don namar dang pynkhreh bad mynta kane kala poi ha kabinet bad la pdiang ia kane rule.
U myntri rangbah ka jylla la ong ba ka jingialang jong ka Kabinet kala pdiang ia ka GST Rule namar ki don kiba la sah teng naduh ki snem 2018, 2019, 2020 bad 2021 kine ki long kiba ia dei bad ki rule jong ka GST kiba la wan rah ia ka jingpynkylla ha ki katto katne ki bynta namar la pynkylla ia ka ain kumta ia ki rule ruhd ei ban pynkylla.
Kawei pat ka rai ka sorkar jylla kala sdang ia ka “Fellowship Programme” bad ka National Law Skul jong ka sorkar pdeng ka jingthmu jong kane ka long ban don ia ki samla pule kiba la dep ia ka graduate bad ka post graduate hapoh ka national law skul ka India ha Bangalore kine ki long ba kin trei bad ka sorkar pdeng.
Ka “Fellowship Programme” ki don ar tylli kawei ka “ P.A Sangma Fellowehsip” bad kane ka long na ka bynta ka jingwat bniah bad ka jingiatreilang ha ki kam ain bad ka National Law skul kan jied bad ka sorkar kan iarap pisa ba kin trei bad ki tnad sorkar ban pynthikna ban wad bniah ha kaba shna ia ki polisi,ha ka juh ka por ki ophisar ka jylla kin ioh ruh ia ka jinghikai ha kane ka National Law skul.
Ka Kabinet kala rai ban dang pynjlan shuh ia ka jingtrei jong u Colonel Gautam Rai hapoh jong ka Sainik Board bad ia u ophisar Sila Sainik Board Tura ruh la pynjlan la iathuh u myntri rangbah ka jylla haba kren ha ki lat pathai khubor.
