Shillong, Naiwieng 01: ki Paidbah Nong Shong Shnong jong ka Shnong Tanglei kaba hap ha Mawkynrew Constituency namar ki jing angnud kiba ki Nong Synshar Shnong bad kumjuh ruh ki paidbah Nong Shong Shnong ka la urlong lyngba ka jingtrei bor bah jong u Bah Banteidor Lyngdoh, MDC Mawkynrew Constituency ban wanrah ia ki kam pynroi lyngba ka jing plie paidbah ia ka Iing dorbar ia kaba la mang 4 Lak Tyngka lyngba jong ka Special Assistance Schemes.
La plie paidbah ia katei ka iing dorbar ha ka jingialang kaba iphuh iphieng ha kaba la ia don ryngkat ruh naduh ki Riew Rangbah,Ki Tymmen ki Kro, Ki Long kmie Long kpa, ki khun samla jong ka Shnong bad kiwei de ki Nong shah khot sngewbha ha katei ka sngi kaba kyrpang bad kaban sah jingkynmaw jong ka Shnong Tanglei.
La pdiang burom ia ka jing wan poi jong u Bah Banteidor Lyngdoh, MDC Mawkynrew Constituency da ki Paidbah Nong Shong Shnong jong ka Shnong Tanglei na baroh arliang jong ka Surok Shnong ha ryngkat ka risa ka kynhoi da ka jing kmen bad ki dur khmat kiba i phuh mut phuh mat, Hashwa ban sdang ia ka jingialang ha katei ka sngi la ioh shwa da ka jingduwai phirat na ka Kong Sila Rynjah ha kaba la pynbud pat da na ki samla lud jong ka Shnong.
Kiba la ai jingkren ha katei ka sngi ki kynthup ia u Bah Spein Marboh uba dei ruh u Rangbah Dong, Bah Kwirin Sohtun, Bah Nowen Marboh, Ki Nongialam jong ka Club lem bad u Sordar Shnong Tanglei. Baroh ki Nongkren ha katei ka sngi ki la pynpaw ka jing sngew nguh kaba khraw shi katdei eh ia u Bah Banteidor Lyngdoh, MDC Mawkynrew Constituency uba la pynurlong ia ka jingangnud ban da ia ka burom ka ijot jong ka shnong ka thaw namar kila ong ba baroh shi katta ka shem jingeh shi katdei eh ban pynlong ia kino kino ki jingialang.
Na ka liang jong u Sordar Shnong u la pynpaw ba la lah ban tei ia katei ka Community Hall kadei na ka daw jong ka jing shimkhia jong u Bah Banteidor Lyngdoh, MDC Mawkynrew Constituency bad ka jing ia don bynta lang jong kawei pa kawei ka rympei ing hapoh jong ka Shnong Tanglei kiba la noh synniang da ka bor met ha ryngkat u synniang u bynhei katba kot ei la ka bor ban pynlong ia kane ka Community Hall kumne kumba ka long.
Haba kren kum u Kongsan ha ka sngi na ka liang jong u Bah Banteidor Lyngdoh, MDC Mawkynrew Constituency u la ong ba kum u Nongmihkhmat ha i bor iba rit kum u MDC, u la pyrshang ban ai ia ka jingshakri kaba janai tam bad kaba khuid kaba suba ban sam ia baroh ki schemes haba shit haba shai khlem ka jingleh shiliang khmat iano iano ruh na ka bynta ka jingbit jingbiang jong ka Constituency hi baroh kawei, ha kaba u la pynpaw ruh ba u Synniang uba na ka liang jong u kum u MDC u la noh ka long iba rit eh hynrei lehse namar ba ki Paidbah Nong Shong Shong jong ka Shnong Tanglei ki la iohi ba la ai ia ka Scheme da ka mynsiem kaba khuid kumta ma ki ruh kila noh kylluid na ka bynta ka jingbit jingbiang jong ka Shnong.
Shuh shuh na ka liang jong u Bah Banteidor Lyngdoh u la ai khublei kyrpang ruh ia u Sordar jong ka shnong Tanglei, ia baroh ki Dkhot jong ka Executive Committee jong ka shnong lem bad ia ki Paidbah Nong Shong Shnong Kyllum salonsor ha kaba u la kyntu ruh ia ki paidbah Nong shong Shnong ba kane ka Mynsiem jong ka jing iatreilang na ka bynta ka jingdonkam jong ka imlang ka sahlang bad ka Shnong ka Thaw hi baroh kawei kam dei satia ban shu kut noh tang ha kane ka kynti kaba mynta hynrei kan long kum ka umpohliew kaban kyrsoi khlem rngad noh tang shiteng por lang Ngi Thrang bad angnud shisha ia ki jingkylla ha ki liang baroh.
