Shillong, Nailur 21: Na ka bynta ka jingiaid beit iaid biang ha kaba ai ka jingshakri ia ki paidbah, ka sorkar Meghalaya kala plie thymmai sa kawei ka police station ha Ri Bhoi District kata ka Umsohlait Police Station.
Da kane ka jingplie ia kane ka police station ki jaka kiba hap hapoh jong ka Umsning kin hap noh hapoh kane ka police station kaba thymmai. Ki shnong ki ban hap ha kane ka police station kaba thymmai kin long.
Ka shnong Raitong, Mawtari, Pamlaban, Umsohlait, Lawpyrdah, Pamringet, Umjarain, Mawkhla, Umsynrem, Ingsaw, Jair, Sunidan, Umjapung, Pdeng nongrim, Pamphlang, Mawshunam, Mawpat, Langkhot, Umtyrkhang, Lumniwar, Jokiang, Umjartiang, Mawhati, Sohphoh, Umkra, Umlaiteng, Syntiewmaw, Kremawdar, Iamkhon, Shatklu, Pamrinai, Ksehkynjoin, Umsangu, Kdohhati, Mawdiengngan, Umlatara, Lamalong, Jatah, Shiliang umdoh, Umsohmatan, Umwiehsnier, Mawlaho, Umshiaw, Laitsyiar, Pamlatar and Laiphew Diengngan.
U pud u sam jong kane ka police station kaba thymmai ki long, shatei kan sdang na Korhadem ia khap bad ka Karbi Anglong District ha Assam, sha mih ngi kan iaid sha rum haduh ban da poi sha ka shnong Lamalong ka shnong ba ia khap bad ka jylla Assam, na ka shnong Lamalong kan iaid ter ter sha duh mih ngi jong ka Karbi Anglong District ka jylla Assam bad haba phai shaphang shathi kan ia kynduh bad ka khappud Assam haduh ban da poi sha shnong Mawlasdiang.
Na Mih ngi kan sdang na ka shnong Mawlasdiang ka bynta kaba sha run ban kan iaid ter ter da kaba bud ia ka wah Umiam haduh ban da poi sha Umshaw bad sha shnong Raitong jong ka bynta kaba sha rum.
Ka Bynta kaba shathie kan sdang na ka shnong Raitong kan iaid shaneng katban da poi sha ka shnong Umkra bad kan poi sha ka shnong Umkei sha ki bynta ba shatei jong ka shnong.Sha Sepngi pat kan iaid na ka shnong Umkei ter ter haduh ban bad poi sha shnong Mawtari Thaiang ki bynta kiba sha neng, na shnong Umtari kan iaid sha duh ban da poi sha ka shnong Umtyrkhang bad kane ka ka shnong Umtyrkhang kan iaid ter ter haduh ban da poi hapoh jong ka shnong Korhadem. Kine ki long ki pud ki sam jong kane ka police station kaba thymmai.
