Plie u Bah Banteidor MDC ia ka Social Service Centre, Shillong Archdiocese

Shillong, Naiwieng 09: Ka Social Service Centre, Shillong Archdiocese kaba dei na ki tnad trei mon sngewbha jonBanteidorg ka Balang Catholic kaba peit kaba jngoh ia ka jingdon jong ka imlang ka sahlang ban ai jinghikai ia ki briew ha kiba bun ki bynta ha ka 4th November 2017 ka la hiar sha ka Dong Namlang kawei na kyntoit jong ka shnong Jongksha Kaba hap hapoh jong ka Mawkynrew Constituency ban ai jinghikai bad kumjuh ruh ban kner ia ka jingiarap na ka bynta ban wanrah ia ka khuid ka suba katkum ka juk stad kaba mynta.

Ka Social Service Centre, Shillong Archdiocese ha ka jingialam jong u Director u Sohblei Fr. Bernard Laloo ki la snoh kti lang bad ka shnong da kaba noh synniang da ka jakat thang niut kaba biang bad la ai ruh sa 20 tylli ki tin bret nuid ban ioh buh kylleng ka shnong ia kaba la plie ia kane ka jaka thang nuit da u Bah Banteidor Lyngdoh (Bah Pai), MDC Mawkynrew Constituency.

Ia kane ka kam ban pynneh ia ka jingkhuid jingsuba jong ka shnong da ka jingshim khia jong u Rangbah shnong bad ki nongkit kam shnong ki la pyrshang ban wanrah ia ka jing khuid ha shnong ka thaw la lah ban pynurlong ha kane ka sngi kaba mynta lyngba ka jingtrei bor bah jong ka Social Service Centre, Shillong Archdiocese.

Haba kren ha ka jingialang paidbah hashwa ban plie paidbah ia ki Compost Bin na ka liang jong u Bah Banteidor Lyngdoh (Bah Pai), MDC Mawkynrew Constituency uba long ruh u Kongsan ha katei ka sngi ula ong ba ka khuid ka suba kadei kaba donkam tam ha ka imlang ka sahlang namar kalong ruh kum u Ksai khmat jong ka jingkoit ka jingkhiah. Na ka liang jong u Kongsan u la ai ka jingiaroh shikatdei eh ia ka jing shimkhia bad ka jing iohi jngai jong ka Social Service Centre, Shillong Archdiocese ban shakri sha ka imlang ka sahlang

Nalor lyngba uba bun bah u Synniang ia kaba ym lah satia ban niewtang bad ula ong ruh ba ka Social Service Centre, Shillong Archdiocese kala pynurlong shisha ia ka kyntien kaba ong “Ka jingshakri ia ki para briew ka dei shibynta ia ka jingshakri ia u Blei”, ha kaba u la kyntu ruh ia ki paidbah Nong Shong Shnong naduh ki longkmie longkpa, ki Khun samla bad wat ki khynnah rit ruh kumjuh  ba ki dei ban pyndonkam hok ia kitei ki Compost Bin khnang ba kan wanrah shisha ia ka khuid ka suba ha ka Shnong ka Thaw bad ha ka imlang ka sahlang hi baroh kawei da kaba bynrap dsa kaba ong Cleanliness is Next to Godliness.

Ha katei ka sngi plie paidbah ia ki Compost Bin la ia sakhi lang don ryngkat jong ki Nongkit kam shnong bad kumjuh ruh ki paid nongshong shnong jong ka Namlang ha kaba la ioh shwa ia ka jing kren pdiang sngewbha na ka liang jong u Rangbah shnong, ha kaba la pynbud pat da ka jingshad, ki jingbyrngia na ki khynnah skul Namlang, ka jingrwai kaba kyrpang na ka kynhun jong ki Longkmie Namlang. Kiwei pat kiba la ai jingkren ha katei ka sngi ki kynthup ia u Fr.Pynshai Lyngdoh bad kumjuh ruh na u Fr. Bernard Laloo.

 

What Next?

Recent Articles

Leave a Reply

Submit Comment
*