Shillong, Nailar 12: u President jong ka BJP Meghalaya, U Bah Shibun Lyngdoh ha ka jingdon ryngkat lang u State Vice-President U Bah David Kharsati, u President jong ka BJYM u Bah Egenstar Kurkalang, ha ryngkat ka jingiadon lang ki dkhot jong ka seng na ka tei ka jaka la plie ia ka ophis trei kam jong ka seng hapoh Smit.
Ha ka jingkren jong u Bah Shibun Lyngdoh president jong ka BJP Meghalaya State Unit, u la ong ba lada ka BJP ka wan ha ka bor ka long ban rat ia ki kam bamsap, ban wanrah ia ka shong suk shong sain bad khamtam eh ha ka liang jong ka roi ka par ha ka jylla.
Ha kane ka sngi na ka liang jong u Bah Shibun u la kyntu ruh ia ki paidbah ba kin jied noh ia ki nongialam kiba thymmai jong ka seng BJP na ka bynta ban lah ban wanrah ia ki kam pynroi hapoh jong ka dong bad ka thain baroh kawei. U la kyntu ia ki para dkhot jong ka seng ba kin ia trei shitom ban wanrah ia ka jingjop.
Ha kane ka sngi ba plie ia ka ophis trei kam jong ka seng BJP ha Smti la don lang ruh kiwei kiwei ki nongkit kam jong ka seng BJP na ka seng kiba dei na ka state level. Baroh ki nongkren ha kane ka sngi kila buh ia ka thong ba ka seng ka dei ban jop ha kane ka Election kaban wan, ia kane ka long katkum ka khubor kaba la phah da u Bah Aistar Kharumnuid President BJP Smit Unit.
