Plie u Conrad President ia ka party NPP sa hapoh ka jylla Mizoram mynta ka sngi

Mr Conrad in MizoramShillong, Nailur 29: Da ka jingthmu ban ia khun ia ka MLA election ka ban long ha u snem ban wan hapoh ka jylla Mizoram, u National President jong ka seng NPP u Conrad K Sangma mynta ka sngi u la plie ia ka party hapoh katei ka jylla.

Ki nongialam jong ka NPP kiba la ia don lang ha kane ka sngi nalor jong u myntri rangbah ka jylla Meghalaya u ba dei ruh u nongialam ia ka seng NPP ki long u James K Sangma, Timothy D. Shira, u Thomas A. Sangma na ka jylla Meghalaya, u Letpao Haokip naka jylla Manipur bad kiwei ki MLA jong ka seng ka thain North East baroh kawei.

Haba kren ha kane ka jingialang u nongialam jong ka NPP, u la ong ba ka seng kan sa long kawei na ki party kiba don kam bha ha ka ban thaw ia ka sorkar ha ka jylla Mizoram ha dien ka elekshon bad u la kyntu ia ki breiew jong ka party baki hap ban trei shitom na ka bynta ka elekshon ka ban sa long ha kane ka jylla.

La ong ba ka NPP kala trei mynta la shisnem shiteng hapoh ka jylla Mizoram haduh ba la lah ban pynlong ia kane ka sngi ban plie ia ka party ha kane ka jylla, wat la ka party kam pat pynbna katno ngut kin pynieng kyrtong hynrei u Conrad u long ba ka NPP kan don ia ka bynta kaba ha khmat eh ban thaw ia ka sorkar ka ban sa wan.

Ka jingthmu ban pynlong kawei ka Dong shatei lam mih ngi jong ka Ri India kaei kaba la sain dur da u Purno A Sangma la slem bah bad mynta kila lah ban pynwan dur ia kane ka jingthrang ka jong u lyngba ka NPP. U Conrad u la ong ba ka NPP ka dei ban long ka sur kaba jam na ka bynta ki briew kane ka thain baroh kawei.

Na ka liang jongu Conrad u la ai khublei ia u Dr Dr. Lalrintlunga Jahau general secretary jong ka party bala trei shitom ban pynkhlain ia ka party hapoh ka jylla Mizoram haduh ban da ioh ban plie ha kane ka sngi. Ha kane ka sngi la thung ia u president barim jong ka uYoung Mizo Association (YMA) u Lianzuala ban un long u nongialam ia ka party hapoh ka jylla Mizoram.

 

What Next?

Recent Articles

Leave a Reply

Submit Comment

*