Shillong Nohprah 26: Na ka liang jong ka seng All India Football Federation developmental(AIFFD) mynta ka sngi kan pdiang burom ia ka jingialehkai hapdeng ka, Indian Arrows bad Shillong Lajong FC ha ka I-League kaba long mynta ka sngi ha ka por 2 baje noh phai sngi ha Nongbah Delhi.
Kane ka jingialeh jong ka Shillong La jong mynta ka sngi ka long kaba don kam bha namar kala shah rem ha ka jingialehkai kaba la dep long ha Shillong. Na ka liang jong ka Shillong Lajong kala pynkhreh bha bad kan ioh ia ka jingjop ha kane ka jingialehkai mynta ka sngi ha Delhi.
Ka Shillong Lajong mynta kala poi sha ka kyrdan kaba saw ha kane ka jingialehkai I-League kaba mynta namar kala neh tang ha ka 10 point. Na liang jong ka Shillong Lajong ka don ka jingkyrmen ba kan dang jop bun ki jingialehkai ha kine ki ban dang wan ban poi sha khmat.
Ka Indian Arrows ha kane ka I-League kaba mynta ka don ha ka kyrdan kaba khyndai namar ba ka dang jop tang shisien ka dang ioh tang 3 point. Ki rang ialehkai jong ka Lajong ki ban ialehkai mynta ka sngi kiba bun ki long na ka kynhun U-17 kiba mih khmat ia ka Ri ha ka jingialehkai.
