Pyniar ka CoRP ia ka jylli trei kam jong ka ha Ri Bhoi da ka seng shnat ha Nongpoh

Shillong,K’Lyngkot 21: Kum shibynta ban pynkhlain shuh shuh ia ka seng, ka Confederation of Ri Bhoi People (CoRP) ka la ioh ban jied ia ki nongkitkam ba thymmai jong ka CoRP Nongpoh Circle ban pynkhlain ia ka jingtreikam ka seng ha ki thain Nongpoh kaba long ha head quarter jong ka District.

Ia ki nongkitkam la pynshkem da u President Rangbah, Bah Bandari Ryntathiang ki kynthup ia u president-Bah Roland Lyngdoh, vice president- Banteiboklang Nongshli, general secretary- bah Moris Lyngdoh, asst secretary-Jumping Shadap, finance secretary bah Banraplang Nongshli, sporst secretary-bah Pynkmenlang Nongshli, education secretary bah Markus Makri lem bad 10 ngut ki dkhot ka executive commitee.

Ha shwa ban pynshkem ia ki nongkitkam la ioh ka jingkren na u President rangbah Bah Bandari Ryntathiang ban pynshai ia ki mat treikam ka seng bad kumjuh ban kyntu kynpham ia ki dkhot bad ki nongkitkam jong ka Nongpoh Circle ba kin shimkhia ban trei na bynta ka roi ba ka par ryngkat ka akor ka burom bad ban kyntiew ia ka imlang sahlang kaba la jyrsieh da ki kam sniew na bynta ka lawei jong ka ri bad ka jaidbynriew kaba don mynta hapdeng ka umsaw na ka jingwan tyllep ki bar jylla.

U la ong ka CoRP mynta ka don ha ka jingiakhih ryngkat kiwei ki kynhun sengbhalang hapoh ka lama jong ka CoMSO ban dawa na sorkar pdeng ban pyntreikam noh ia ka ILP ha ka jylla Meghalaya na bynta ban iada na ka jingwan rung tyllep ki bar jylla kaba long ka jingma ia ka ri bad ka jaidbynriew.

“Kumta ngi donkam ka jingiatreilang na baroh ki sengbhalang, ki dorbar shnong, ki seng samla shnong, seng longkmie ban pynurlong ia katei ka jingdawa ba kongsan na bynta ka ri bad ka jaidbynriew,” u la bynrap.

Kiwei pat ki dkhot kiba la ai jingkren ki long Bah Gershome Hat, Vice President, bah Phrangkupar Sohtun Organising secretary, bah Basil Lyngdoh, bah Johnyfirts Lakhiat bad kiwei.

 

 

What Next?

Recent Articles

Leave a Reply

Submit Comment

*