New Delhi, Risaw 14: Ka President jong ka ri India, ka Droupadi Murmu, ka la plie bad buh nongrim lyngba ki lad digital ia ki jingtrei bapher bapher jong ka Sorkar Assam ba ki tnat shan surok , ka petroleum & natural gas bad lynti rel jong ka sorkar pdeng mynta ka sngi na Srimant Sankardev Kalakshetra, Guwahati.
Kine ki kynthup ia ka Railhead Depot jong ka Indian Oil Corporation Ltd. haMoinarbond, Silcharbad artylli ki projek surok bah; ka jingbuh maw nongrim ia – 100 tylli ki model Secondary School ha ki thain kperslasha jong ka Assam; 3000 tylli ki model Anganwadi center; artylli ki ki surok bah; bad ka Cargo-cum-Coaching Terminal kaba katkum ka juk mynta ha Aghtori, Guwahati.
Ka President ka la pyllait ruh ia ka rel na Guwahati sha Lumding Pass haduh Shokhuvi ha ka jylla Nagaland bad ia ka rel ban wan sha Mandipathar sha ka jylla Meghalaya.
Ha ka jingai jingkren jong ka, ka President ka la ong ba ka kwah ba ki jingtrei kiba iadei bad ka koit ka khiah, ka pule puthi, ki rel, ka jingtei surok, petroleum bad ka jingpynkupbor ia ki longkmie kiba la pyllait paidbah mynta ka sngi kin long kiba iaidbeitiaidryntih.
Ka la ong ba ka ngeit skhem ba ka jingpyntreikam bha ia kine ki skhim kan plie ia ki lad kiba thymmai ha ki kam khaii bad ka jingioh kam, kyntiew ia ki lad ka leit ka wan bad pynkhlain ia ka ioh ka kot jong ka thain shateilammihngi baroh kawei kaba kynthup ruh ia ka Assam.
Ka President ka la ong ba ki jingdon jingem kiba kham bha ki long ka nongrim jong kanokano ka jylla. Ka thain shateilammihngi ka dei ka jaka kaba long pdeng ha ka ‘Act East Policy’ jong ka India.
Ka ong ba ka kmen ban iohi ba ka Sorkar Pdeng ka pynleit jingmut kyrpang na ka bynta ki jingdon jingem bad ki lad ka leit ka wan ha ka thain. Ka la ong ba ka roi ka par jong ka Assam ka lah ban long ka kor jong ka roi ka par jong ka thain shateilammihngi baroh kawei.
Ka President ka la ong ba ka thain shateilammihngi ka long kaba riewspah ha kaba iadei bad ki jingaiei jong ka mariang. Ka la ong ba ka Assam ka don 13% jong ka jingpynmih umphniang ka India. Shuh shuh 15% jong baroh ka jingpynmih natural gas ka India ka dei na kane ka thain.
Ka la ong ba ka ngeit skhem ba ka depot haMoinarbandkaba la plie mynta ka sngi, kan iarap ban pyndap ia ka jingdonkam umphniang baroh kawei ka Barak Valley ha ryngkat ka Tripura, Manipur bad Mizoram.
Ka President ka la ong ba ka Sorkar Pdeng ka pynleit jingmut kyrpang ia ki lad lyngba ki surok bad ki rel ha baroh kawei ka thain shateilammihngi kaba kynthup ruh ia ka Assam.
Ka la ong ba ka ngeit skhem ba ki projek kiba iadei bad ki surok bad ki lynti rel ba la buh maw nongrim bad plie mynta ka sngi kin plieia ki lad ha ka kam jngohkai ha ryngkat ka jingkyntiew ia ka khaii pateng bad ki lad pynkit mar ha kane ka thain.
Ka President ka la ong ba ka jingshngain bad ka roi ka par kaba pura jong ki longkmie bad ki khynnah ka dei ka dak jong ka imlang sahlang kaba la kiewshaphrang. Khnang ban pynkhlain shuh shuhia ki jingai jingshakri ia ki longkmie bad ki khynnah ha Assam, ka jingplie ia 3000 tylli ki Model Anganwadi Centre mynta ka sngi ka dei ka kam ba dei ban ioh jingiaroh.
Ka la ong ruh ba ka sngewkmen ban buh ia ki maw nongrim jong 100 tylli ki Model Secondary School da ka jingthmu ban ai jinghikai kaba kham bha ia ki khun jong kito ki briew kiba trei ha ki kperslasha.
