Shillong, Jymmangy 26: U Mp jong ka Tura u Conrad K Sangma ryngkat bad u James K Sangma MLA mynta ka sngi kila leit ban ia kynduh ia u Lat jong ka jylla u V. Shanmuganathan Ha Raj Bhavan kane kajingiakynduh ka long kum ka dak jingburom ia u khlieh jong ka jylla.
Ha dien ba la ia kynduh ia u lat ka jylla U MP ka Tura u la leit ban ia kynduh ruhia u myntri rangbah ka jylla u Dr Mukul Sangma ha ophis ha Secretarait, hakane ka jingiakynduh na ka liang jong u Conrad u la kyntu ia ka sorkar jylla ba ka dei ban pynlait noh ia ka bhah jong ka GHADC kaba dei na ka jinglum khajana ia ki kali ba ka District Council kan ioh ban siew ia ka tulop jongki nongtrei ka GHADC.
Ha ka juh ka por na ka liang jong u ne u MP ka Tura u la ong ba ha kane ka jingiakren na ka liang jong u u long u ba la kloi ban ia trei lang bad ka sorkar na ka bynta ka roi ka par jong ka jylla baroh kawei lada ki don ki kam kiba ka sorkar ka sngew don kam ba un ai ia ka kti kamon kti kadiang jong u na ka bynta ki kam pynroi haka jylla.
