Shillong, Naiwieng 06: Ka Shillong Press Club, ka pynpaw ia ka jingsngewsih halor ka jingkhlad u u bah Walton Jyrwa Lyntan 52 snem mynta ka sngi ha iing sah jong u ha Lumbhalang, Nongthymmai Lawjynriew u ba baroh ki juh ia khot ieit bah Ton. U la iehnoh sha dien ia ka kurim jong u, ar ngut ki khun kynthei bad u wei khun Shynrang.
U bah Tom u la don ha kane ka kam thoh khubor kum u nongshon dur na duh u snem 1980 haduh kane ka khylip mat, u la trei bad bun ki kot khubor, khasi, khubor, phareng bad mynta ha duh ban da khlad u don bad ka UB Photos kaba na Guwahati kaba paw bha ha kane ka thain shatei lam mih ngi jong ka Ri India.
Kum u nongthoh khubor ha ka kam shondur u long u briew ba beh la ka long ha ki jingialang sorkar, ki jingklumar shnong klumar thaw, ha ki District Council bad ha kiba bun ki jingialang paidbah kat kaba shah ka kam. Na baroh kawei ka jylla kiba bun ki tip ia u bad kum juh na ka jylla Assam ruh. Na ka liang jong ka Shillong Press Club ka phah ka khubor sngewlem sha kiba ha iing ha sem halor kane ka jingjia kaba sngewsih bad duwai na ka bynta ka mynsiem kaba la khlad noh ba ioh ia ka jingsuk ka bymjuhkut.
