Pynrem jur ka AJYWO ia ka JHADC ba tlot palat  ban pyntrei kam pura Trading License

Khliehriat, Risaw, 28: Ka All Jaintia Youth Welfare Organisation East Jaintia Zone ka  buh ia ka jingkylli ba lada ki nongkhaii non-traibal hapoh East Jaintia Hills District, ki  don ia ki Trading License  balei ym ju iohi koit ba ki pyni paidbah ia ka Trading License jong ki ha ki dukan lane jaka leh business jong ki kat kum ba la pruid dak ha ka kyndon aiñ khnang  ba u paidbah un ioh lut lut ia kata? Lada ki don Tradieng License bad kim leh kumta balei ki burieh ia ki Trading License jong ki? Don aiu sha lyndet jong kane?

“Kat kum ka Rule No.9 jong ka Jaintia Hills Autonomous District (Trading by Non-Tribal) Rule 2015, kala  ong shai ba ki ki nongkhaii non-tribal hapoh u pud u sam jong ka JHADC, ki dei ban pyni paidbah (display) ia ka Tading License jong ki ha ki jaka ki ba lah ban ioh shai kdar bad ba ka dei ban don ia ka tarik ba ai bad tarik kut bad ka jingsoi kyrteng jong u Licensing Officer jong ka JHADC, hynrei ngim da ju kham iohi koi ba ki nongkhaii non-tribal ki leh ia kata”, ong u President jong ka AJYWO, East Jaintia Zone, Heatermoon Ryngkhlem.

“Lada ki winestore, drug store, pharmacy, etc ki lah ban pyni paidbah ia ki License jong ki ha ki dukan bad jaka leh business jong ki, balei ia ki Trading License ym lah ban pyni paidbah kum ba leh kitei kiwei? Don aiu sha lyndet jong kane?” buh jingkylli u Bah Ryngkhlem.

U tei u nongialam jong ka AJYWO-EJZ u la ong ruh, “Kat kum ka RTI ba dang shu ioh shen, ka don ka jingdkoh ka bajur ha ka rukom pyntreikam jong ka JHADC ia ka aiñ kaba ia dei bad ka khaii-khaba jong ki non-tribal hapoh u pud u sam jong ka JHADC. Kane ka pyni shai kdar ia ka jingtlot palat jong ka JHADC ban trei ia la ka jong ka kamram bad lada kane ka long kumne, ka pyni ba ka JHAC ka nang tang ban pynlut por ban thaw ia ki aiñ bad shu set op hapoh almari”.

Ka jingbym pyntrei kam pura jong ka JHADC ia ka aiñ kaba iadei bad ka jingwan khaii bad leh business jong ki non-tribal hapoh u pud u sam jong ka, ka la wanrah ia ka jingduhnong kaba khraw ia ka JHADC directlty bad indirectly ia ka ki khun ka ri Lum Jaintia hi baroh kawei bad kane ka jikngtlot jong ka JHADC, kan nang pynshlur shuh shuh ia ka jingwan wan khaii-leh-business beaiñ jong ki non-tribal hapoh u pud u sam jong ka JHADC bad  kane kan sa ktah bha ia ki trai ri trai muluk” ong shuh shuh u Bah Ryngkhlem.

“Kum ka seng kaba peit ia ka bha ka miat jong ka ri bad ka jaidbynirew, katno ka long kaba kthang mynsiem  ban peit ba ki briew kiba nabar, ki wan shapoh u pud u sam jong ka JHADC bad ki khaii-leh-business katba ki mon, ka JHADC kam patiaw. Ka JHADC ka shu shong kli kti.

Ka jingkylli mynta ka long, Shaei  ka JHADC ka don mynta? Shaei ki nongtrei jong ka kiba dei peit ia ka khaii-leh-business ki non-tribal?, Shaei ka aiñ ba dei peit ia ka khaii-leh-business ki non-tribal ka jah?. Ngi pynrem jur ia kane ka ka tlot bor bad jingbymler jong ka JHADC ha ka jingiadei bad kane ka phang.

Ka seng ka dawa na ka JHADC hapoh ka jingialam jong u Ma Madonbai Rymbai kum u CEM, ba kam dei ban dang thiah sngi shuh mynta hynrei ka dei ban trei la ka jong ka kamram ha kaba pyntrei kam pura ia ka aiñ kaba iadei bad ka khaii bad leh business jong ki non-tribal hapoh u pud u sam jong ka JHADC khlem da klet ia ka ri bad ka jaidbynriew bad lad aka JHADC kam leh, ngin sa hap ban kiew iinglieh iingsaw, la pynkut u kyrwoh na ka seng.

 

 

 

What Next?

Recent Articles

Leave a Reply

Submit Comment

*