Shillong, Jymmang 03: U Myntri Rangbah ka jylla u Conrad K Sangma mynta ka sngi ha ka por 2.00 baje noh phai sngi u la pyntip ba la test COVID-19 Postive ka wei ka briew ha Jowai ha dien ba kala wan phai na Agra, ka jylla Utter Pradesh.
U Myntri Rangbah u la batai ba kane kaba la test COVID-19 Positive ha Jowai jong ka West Jiantia Hills District ka dei kaba la don hapoh quarantine centre ha Jowai naduh ka sngi ba la wan phai na Agra jong ka jylla Utter Pradesh.
Da ka jingioh COVID-19 postive sa kawei ka jingdon kiba ioh ia kane ka jingpang ha ka jylla kala kot sha ka 31 ngut, khlad i wei, kiba la koit 13 ngut bad kiba dang don ha pdeng ka jingsumar ki long 17 ngut.
U Myntri ka koit ka khiah u Bah AL Hek u la iathuh ba haduh mynta ka sngi la shim sample haduh 9344 ngut, kiba la dep test bad long Negative ki long 8993 ngut, ka resolt ba dang ap ki long 320 ngut. Ki nongshong shnong kiba la wanphai haduh mynta ka sngi ki long 12400 ngut.
