Rai ka EC ba ia ka “Heritage Village” ha Mawphlang un aiwai noh sha ki riew shimet: CEM

Shillong, Rymphang 03: Ka Executive Committee jong u bah Titosstarwell Chyne hapoh jong ka KHADC mynta ka sngi kala shim ia ka rai ba ia ka “Heritage Village” kaba don ha Mawphlang yn ai wai noh sha ki riew shimet.

Haba kren ha ki lat ptahai khubor u CEM u la ong ba ka KHADC kala pynlut da ki bun klur tyngka ban buh ia katei ka Heritage Village, hynrei kam shym la lah ban poi sha ka thong kumba la thmu. Ha kaba sdang kala don ruh ia ka jingiateh kular ha pdeng ka Hima Mawphlang bad ka KHADC ban peit ia ka.

Kumba ka long mynta kane ka Heritage Village wat la la pynlut da ki bun klur tyngka ym shym la lah ban pynieng ia ka ha kara ka rukom kaba dei ban long, halor kane da ka jingiasngewthuh jingmut lang ha pdeng ka KHADC bad ka Hima Mawphlang la thaw ia ka kommittee kaba kyrpang ban peit ia kane ka kam.

Katkum ka jingai jingmut jong kane ka Kommittee kaba kyrpang, la ong ba dei ban aiti noh sha ki riew shimet ban pyniaid ia ka bad kiba shim ki dei ban long ki briew na katei ka thain lada don bad ia ka jingmih na kaba aiwai ia kane ka jaka yn ia sam ha pdeng ka KHADC bad ka Hima Mawphlang 60% sha ka KHADC bad 40% sha ka Hima.

What Next?

Recent Articles

Leave a Reply

Submit Comment

*