Shillong, Naitung 01: Ka Sein Raij Shillong mynta ka sngi kala rakhe ia Behdienkhlaim ha kane ka nongbah Shillong da ka jingiaid paidbah ha ka ryngkat ka kynhoi ka Ri bad ka ka duwai ka phirat ha ki dong bapher bapher ha kaba bun ki bat dang bat ia ka niamtre ki dang bat ia la ka jong ka tynrai.
Kumba juh long man la u snem kala don ka jingduwai jingphirat hapo ka shnong Wahtapbroo ha ryngkat ka shad ka kmen bad na kane ka jaka kila iaid paidbah haduh ban da poi hapoh iing seng khasi Mawkhar ha kaba la pdiang burom ia kane ka kynhun da ki nongialam seng khasi.
Ha kane ka jaka ruh kala don ka jingduwai phirat ban khot kyrpang ia u blei nongbuh nongthaw ba un kyrkhuh kyrdoh, ha ka koit ka khiah, kan roi ka kamai ka jih bad ban roi parum pareh ha ka long briew man briew.
Kane ka jingleh niam Behdeinkhlam ha ka nongbah Shillong ka long kum ka jingpynkhreh na ka bynta ka jingleh niam kaba khraw hapoh ka Elaka Jowai ia kaba kane ka jingleh niam yn sa pynkut ha ka lai tarik mynta u bnai da kaba noh ia ki Rot ha Aitnar.
