Shillong, Lber 20: Ka jingkieng Rimanar ba pyn iasnoh ia ka Sutnga- Sumer ban leit sha Saipung block ka la pynpaw ia ki dak Orpait bad jingbym skhem kumba ka juh long bad buh ha ka jingbym shngain ia ka leit ka wan lyngba kane ka jingkieng, laong ka KSU.
Kane ka jingkieng ka long ka lad pyniasoh ia bad shibun kiwei pat ki shnong kum Samasi,larket,pala,kseh,umkyrpong,lakasein,mooriap,khahnar,muknor,shyrwang,mynthnin bad kiwei ki shnong shaduh sha Saipung ban leit ban wan bad ka Headquarter jong ka East jaintia, Khliehriat bad kiwei.
Ka Ophis jong u DC EJHD, ha u bnai Kyllalyngkot mynta u snem , ka la buh ruh ia ka jingmana lyngba ka jingai jingmut jonv ka PWD (Road) ba ym dei ban shah ia ki kali ban kit Palat ia ka 9 ton khnang ba yn ym jia kino2 ki jingthut ia ka leit ka wan jong baroh ki paidbah .
Hynrei wat haba la don kane ka hukum kumba paw ha ka shithi sha ki Waheh shnong No. EJHD/GEN/PWD (Road)43/2013 -15/130 ba ki draibar bad ki trai kali ki hap ban bud ne kohnguh , hynrei ka iai don ka jingleh bymsuidniew jong ki ba bun kiba kit ia ki mar ki mata Palat ia ka 9 ton ruh.
Wat la ka don ka jingpynsngew thuh bad pynpaw ia ki jingeh na ka liang ki shnong ruh hynrei ki don ki Kali heh ki bym patiaw shisha iakane. Lada ka ne ka iai bteng , khlem pep kan wanrah ia ka jingkdiah jong kane ka jingkieng ha kano2 ka por bad kan long ka jingduh nong ba khraw ia ki nongshong shnong ki ban leit jingleit sha Saipung block , kiba pang ba shitom , ki nongleit iew, ter ter.
Kumta ka KSU ka kyrpad ia ka jingiatrei lang jong baroh ba kin sngewthuh ia ka jingkordor kane ka jingkieng bad burom ia ka hukum jong ka ain. Ha ka juh ka por, Ka seng ka phah ia kane ka khubor sha ki bor bahalor jong ka ain ba kin jurip hi Dalade bad pynshitom hi ia kiba don kti ban iaid lait na ka jingbthah jong u DC ban ym kit Palat 9 ton khnang ba kan long ka Jingbha ia baroh lang.
