Shillong, Nailar 30: Ha dien ba la plie ia ka Ranikor Civil Sub Division kaba hap hapoh jong ka South West Khasi Hills District da u symbut myntri rangbah ka jylla u Bah Prestone Tynsong ha ka 10 tarik Naitung 2018, ka jingdawa Civil Sub Division na ki ba bun ki jaka kala kah kyndam ym shym don ba kren ei ei shuh.
Shuwa ban plie ia ka Ranikor Civil Sub Division kumba la kular da ka sorkar ia ki paidbah katei ka thain , la iohi ba kala don ka jingdawa kynsan kynsan ba ka sorkar ka dei ban ai ruh ia ka Civil Sub Division, kum ka Mawsynram, Mawlai, Umroi.
Ka jingioh jong ka Ranikor ia ka Civil Sub Division dei ka rai rangbah jong u MLA barim u Martin M Danggo ban hiar shuki na ka kam MLA ban ia pein bad ka Civil Sub Division na ka bynta katei ka thain ban pynsuk ia ki paidbah ha ka jingia dei bad ki kam sorkar.
