Shillong, Nailur 25: Mynta ka sngi ha ka por 2.30 baje dang step phyrngap ki riew sniew kiba ym lah ban tip kila kawang petrol bomb ia ka iing jong u MDC ha Wahiajer u Bah Hermon Phawa u bad ei u MDC jong ka JHADC bad ha kane ka jingshah kawang petrol bomb kala dei ia ka kali Bolero kaba la pynieng ha phyllaw iing.
Kane ka kali ka don ia u number ML04-A-9002. Na ka liang jong ki pulit kila shim khia ia kane ka kam bad ki la register ia ka case jong kane ka jingjia bad ka jingtohkit ka dang iaid ban lap ia ki nongleh ia kane ka kam runar.
