Shillong, Naiwieng 25: U bah Nehimaya Tyngkan ba dei na ka thain Mukroh haba kren ha ka jingialang sngewlem kaba la pynlong da k seng Congress ha Congress Bhavan Shillong, la ong ba shuwa ba kan poi katei ka jingsiat ki pulit Assam kila kem shuwa ia ki lai ngut ki briew kiba don ha kali Maruti ba kit kba.
Ki pulit Assam, ha dien ba kila rah ia kine ki lai ngut kiba bom ia ha kawei ka jaka kaba ym lah ban tip hynrei la shu iohi ba kita ki lai ngut ynda kila lait na ka kti jong ki pulit kila mynsaw bad iaid dkhoh bad haba iohi ia kane ki paidbah kila ia mih ban dawa ba ki pulit Assam ki dei ban pynlait noh ia ki.
U bah Tyngkan la ong ba ki paidbah haba la ialum kila kwah ba ki pulit kin pynlait noh namar shisien bala ngat ha kti pulit ka Assam kin shah set da kloi eh ruh san haduh hynriew bnai bad ka poi ruh haduh shisnem ei ei bad ka jinglut kan long da ki lak tyngka.
Hynrei kaba sngewsih ka long ba ha ka por kumba hynniew baje ei ei jong ka 22/11/2022 kala mih ka jingsiat na ki pulit jong ka Assam ha kaba saw ngut kila iap ha shem bad wei ha lynti ban poi sha jaka ai jingsumar bad mynta ar ngut ki don ha hospital ban shah sumar.
Kiwei kinong kren ha kane ka jingialang ki long u Working President ka MPCC, u bah PN Syiem ha kaba u la pynbna ba kum ka seng kin sa leit ban iarap ia kito ki long iing kiba la ngat ha kane ka jingjia kaba sngewsih.
kiwei kiba la kren ki long ban Marbut Dkhar, bah R V Lyngdoh, kong Jop Shylla, kine baroh kila pynpaw ia ka jingsngewsih halor kane ka jingjia bad ki kynnoh ba kane baroh ka dei na ka jingtlot ka sorkar.
Ha dien kane ka jingialang kila pynlong ia ka jingthang Mombati ban pynpaw ia ka jingsngewlem ia ka jingkhlad noh jong ki san ngut, u bah Shiruplang Sumer, bah Ni Khasi Dhar, bah Talis Nartiang, bah Thal Shadap bad u bah Six Talang ia kane la pynlong ha khmat ka Congress Bhavan.
