Mawryngkneng, Naiwieng 29: Ka Khasi Students’ Union Mawryngkneng hadien bala dep phah Dorkhas haka 31/10/17 shaka Sorkar MUA II bala ialam da u Dr Mukul Sangma bad sha Lai ngut ki MLA bah David Nongrum MLA Mawryngkneng Constituency, bah Remington Pyngrope MLA Mawkynrew Constituency, bah Ardent M Basaiawmoit MLA Nongkrem Constituency.
Hynrei haduh mynta ka Sorkar ka sdang sngap mynthi ha kaba ia dei na ka bynta ban kyntiew kyrdan noh iaka Mawryngkneng C&RD Block shaka Civil Sub division ha kaba ka jingdon jong ki shnong kala kot haduh 64 tylli ki shnong bad ka jing don ki briew (Population) katkum ka census 2011 kala kot haduh 67,291 , 33,396 ki Shynrang bad 33,895 ki kynthei hynrei haduh mynta ka Sorkar ka dang sngap mynthi bad kumjuh kitei ki 3 ngut ki MLA ki khlem kren ne ang wat tang shikyntien ruh ha kaba iadei bad katei ka kam kaba u paidbah u donkam .
Naka liang ka seng ka ai por iaka sorkar ha shwa ka Dorbar tlang dei ban pynioh Civil Sub division ba pura ha Mawryngkneng lym kumta ka Seng bad u Paidbah kan pynlong jing iakhih pyrshah iaka Sorkar bad yn sdang iakhih shwa da kaba jai jai na 3 tylli ki Constituency kata na Mawryngkneng , Mawkynrew bad Nongkrem Constituency. La ong u Bah Shiningstar Kharbihkhiew General Secretary KSU Mawryngkneng Circle.
